حتى الغلا بغيبتك يسألني

ياكثر مانذكر من الناس غالين *** تحت الثرى ماعاد فيهم رجوعي

اموت بعيونك ولاهان باقيك *** كلك حلو بس الحلا في عيونك

انساك لحضه واذكرك باقي العام *** حتى وانا ناسيك نسيت وذكرتك

انت في حبك مثل مد وجزر *** لاتجي كلك ولا كلك تروح

منهو حبيبك غايتي بس اهنيه *** على حسن حظه عشانك حبيبه

ناسن لها بالقلب حشمه وتقدير *** وناسن تجي وتروح محدن فقدها

اضحك حبيبي دام وقتك مسليك *** بكره تموت من القهر لانسيتك

جوهره وشلون تمشي على القاع *** حسبي على من جابها من بحرها

كان الامل في شوفتك يوم فرقاك *** الله يجيب موادعك لجل اشوفك

اقبلت مثل اللي يبشر بمولود *** واقفيت مثل اللي يعزي بغالي

من يقول انك تكون من البشر *** البشر من طين وانت اصلك ملاك

لاجيت انادي غيرك اخطي واناديك *** من زود حبي لك نسيت الاسامي

احاول ابعد عنك من كثر ما اغليك *** عكس البشر خايف غلايا يضرك

امر تدلل بس لاتطلب الشوف *** وشلون اشوفك وانت ماخذ عيوني

خذني لدنيا بعيده مابها غيرك *** ماودي الناس في شوفك تشاركني

القلب يجبرني عليك انت بالذات *** ولا العرب واجد وغيرك مزايين

ابشر بعزك لوتبي الجدي وسهيل *** انا خويك لا ادبر الوقت وافي

قالو حبيبك يسمع الشعر قلت ايه *** يقراه بعيوني قبل تسمعونه

اقصد بغيره وكل القصايد تجي فيه *** كن القصايد حالفه ماتخونه

تضحكني الدمعه ويبكيني الضحك *** دمعة وفي ولا ابتسامة منافق

من اول ياذيب تفرس بياديك *** واليوم جا ذيب عن الفرس عداك

ياليتني بينك وبين المضره *** من غزة الشوكه الى سكرت الموت

اصبر لي شوي لو دمعي تثاقلته *** بحاول استوعب اللي صار قدامي

مشغول بالي ليه مشغول بالي *** والبارحه قلنا خلاص ونسيته

اذكرك وابكي على كل مافات *** ولولاك ماتبكي على شي عيني

الهوى فني وقلبك مسرحي *** والعيون النص والشوق الكلام

لو لا العيون ليا بكت جابت عيون *** والله لبكي لين اشاهد عيونك

الموت ماهو طعنت السيف والرمح *** الموت عينك يوم ترخي هدبها

انا اتحسر يوم رحتي واعاني *** وانتي على عرش الفؤاد استرحتي

اوادعه وامشي واقول انتهينا *** ومن باكر ارجع واتاسف واراضيه

الليل من دونك ترى شين ومخيف *** وشلون اقضي تالي الليل دونك

اقعد واشب النار واذكر وليفي *** وبحجة الدخان ابكي على كيفي

ودي اشوف من صار بعدي حبيبك *** وتشوف حالي بعدما حنا افترقنا

صورة قديمه رجعتني لماضيك *** صورة قديمه للورى رجعتني

بكيتني وانا احسبك تكره بكاي *** اثرك تلذذ في دموعي وانا ابكي

شفتك معه وصديت عنك واقفيت *** اخاف اموت من القهر في مكاني

صوتن سمعته تل قلبي من اقصاه *** لو لا ضلوعي راح قلبي مع الصوت

ياذيب انا بوصيك لاتآكل الذيب *** كم ليلة عشاك من عقب المجاعه

لاتشتكي هالوقت معروف تاليه *** هالدنيا والله ماتساوي كدرها

نفسي اعرف غلطتي وشهي معك *** قبل ابتعد عن حياتك واستخير

ابيك بس لحضه معي وانت صديت *** وش فايده نجوم الليل لاقفى قمرها

قلت لك الف مره لاتجرب غلاك *** قلت لك لاتغلى منت ناقص غلا

جعل عينن عقب فرقاك تفقد بصرها *** عينن بلا شوف الحبايب مالها قيمه

حبيتك الوقت كله مابقت ساعه *** تركت لك هالدقيقه حبني فيها

اكرهك واحبك ولا ابيك وابيك *** لخبطت فكري ماعرفت الحقيقه

تدري لو الحب في يوم يتكلم *** كان قال شوي خف الله يهديك

وصفك يعجز شاعر الانس والجن *** والله مدري بالشعر كيف اطوله

راسي ولو شح الزمن ماحنيته *** مابقى الا انتي توطين راسي

مابيك تسألني عن الشوق ياشوق *** من نظرت عيوني تعرف الاجابه

موت البشر واحد وانا اموت آلاف *** ياعونت الله ويش انا عايشن له

لاعاد تذكرني ولا عاد انا اطريك *** خل الجفا والبعد مسك الختامي

ماواحدن قبلي عشق عيب غاليه *** انا الوحيد اللي عيوبه عشقها

لحضه هنا مفروض توقف وتفهم *** انك تموت ولا تثير اهتمامي

نويت ابدا الكلام وماقبل الكلام شعور *** يموت بداخلي واخفي من اللوعه
تعابيره

وجع هم وجع خوف وجع ضيقه *** على كيفك تعال اختار هذي سلة اوجاعي

بهرب من احبابي مع هودج الريح *** ماعاد لي في عالم الحب حاجه

ماينحني راسي مادام مرفوع *** واذا انحنى راسي برجلي وطيته

انا وفي من واقعي ماتهربت *** واجهت يومي يومك انتي هربتي

وراحت تسحب الخطوة وانا في ماقفي منعاق *** اشوف الروح تتبعها تحايلها
على الرجعه

الا ياعذاب القلب ياللي شغلتيه *** ليتك تحسي بالذي فيه ليتك

كان الغلا مايجرح القلب وشلون *** نشعر بجرح الليل والبعد والنار

عطيتك شعور العاشق المرهف الحساس *** عسى يتفق حسي مع صادق احساسك

ان قلت احبك قالها قبلي الناس *** ودي بكلمه عجزو الناس عنها

ناري جفاك وجننتني لمسة ايديك *** لو لاي اخاف الله عبدتك عباده

ياليتني مخلوق من غير تفكير *** او ليتني مجنون ماني بصاحي

سلمت لك قلبي مع الروح تسليم *** وارخصت لك عمري هديه وتذكار

انا على حطت يدك ماتغيرت *** بس انت قلي وش سبايب غيابك

من زود حبك مايجي عيني النوم *** ومن كثر مااسهر باعو اهلي فراشي

قلت ابكتب لك رساله كلها لوم وعتب *** ويوم انهيت الرساله غير احبك
ما انكتب
الخوف والحرمان والهم والويل *** ابطال قصه في مسلسل حياتي

انا طموحاتي لها اهداف وابعاد *** لاكن زماني حطني شخص عادي

غديت مثل العود مشراه غالي *** غلاه لجله يحرق على النار

حنيت لك راسي محبه وتقدير *** ولا تحسبنه في خضوعي مذله

لامر طيف اللي ذبحني هواها *** ادور الحاجه وهي في يديني
هذا واهو طيفن يجي من غلاها *** وشلون لو تقبل علي وتجيني

لك بسمة لو وزعت للمخاليق *** كان انطفى حزن القلوب ونكدها

حبك رصاص مسدس كاتم الصوت *** يرمي الهدف بالصمت حتى يصيبه

وشلون اشوفك وانت لعيوني الشوف *** عمرك سمعت بواحدا شاف شوفه

لاتفرحين بضيقة الخلق يابنت *** بكره تبدل ضيقتي بابتسامه

من عيوني خذ مراسيل الغرام *** كان تفهم في لغة حب العيون

مبطي وانا لك ياهوى البال مشتاق *** شوق العمى لمعانق الشوف لحضه

انت الذي لاثار دخان بارود *** احذف عقالي والتفت وانتخيبه

وقت الشدايد خلني سيف يمناك *** وابشر بعزك كل ماصرت سيفك

نجحت في حبك بتقدير ممتاز *** لاكن عساي القى في قلبك وظيفه

انا مجبور في حبك ولا تسأل تقول شلون *** خطاك انك تبي تعرف مكانك وين
في قلبي

لابد يوم يجي وتواجه الدمعه *** اما على جيتي والا على فراقي

ان كان شفتي في وصالك لي احراج *** في صمت احبك بين قلبي وبيني

مشتاق اشوفك يابعد كل الاصحاب *** ودي بشوفك ماتفيد الرسايل

مادام ان الامل في شوفتك ياصاحبي مفقود *** دخيلك من حنان الصوت لاتقسى
وتنساني

السيل يبقاله مع القاع مجرى *** ويبقالك التذكار لو كنت فارقت

من عرفت الدنيا ماعمري خضعت *** ومن بعدتي صرت افكر بالخضوع

اللي مثل شرواك لايلبس عقال *** محدن يبي يعطيه ولحدن بصفه

اضحك ولا كل الوجيه احترمها *** بعض الوجيه اهينها بابتسامه

انا حزامك لا عوى الذيب للذيب *** وانا يمينك لارقص كل شيطان

لو ادري اني في منامي بشوفك *** حرام لقضي دنيتي كلها نوم

وش فيك في لحضه تغيرت وقفيت *** منهو الجديد اللي عطيته مكاني

يهتز قلبي كل ماحل طاريك *** هزت عماير بوش يوم ضربوها

مشيت من شانك على كل ممنوع *** مدري جنون الحب ولا شجاعه

لاضقت من نفسك وحدتك دنياك *** ارجع تراك اليوم مني وفيني

تبي الحقيقه جارك الله من النار *** من منجبت مثلك تراها عقيمه

ماتتصل ياغايت النفس وشفيك *** مدري غلا والا نويت القطاعه

تلعب بقلبي لعبة الطفل بالطير *** يضحك وطيره ميتن في يدينه

حبك بقلبي مثل وشمن على كف *** يموت راعي الكف والوشم باقي

انت الفرح دايم لاصابني ضيق *** وانت السند لاكشرن سود الايام

عز الله اني ذاخرك للزمن سور *** ملجأ ليا ضاقت علي الوسيعه

احرص على اللي دايم الدوم شاريك *** واحذر من اللي لاقسى الوقت باعك

في ذمتي انك دوا القلب والروح *** لاشفت رقمك شافت النفس راحه

اكبر فخر للمرجله يوم نطريك *** واكبر فخر لعيال عمك وجودك

سمعت صوت الباب وانا احسبك جيت *** اثر الهوى والباب يلعب عليه

من حبكم قمت البس الثوب مقلوب *** وانشد عن الغتره وهي فوق راسي

لوكان قلبي ناوي اليوم ينساك *** لقطع عروقه وانزعه من مكانه

يازين صوتك لاعبر بين الاسلاك *** وشلون لو حطو مع الصوت صورة

انا شبابك لاغزا راسك الشيب *** وانا عضيدك لو تدور الليالي

اتعبني الحلم لين الواقع انكرني *** كني مسكت الفرج بيدي وهديته

تعال واللي طرا في خاطرك سوا *** موتن بقربك ولا عمرين من دونك

روحي وغيبي واختفي عن حياتي *** مهما ابتعدتي ماتعدين الاهداب

كمل جميلك واحفر القبر لاهنت *** وشلون اعيش بدنيتي دون لقياك

على كف الغلا شلتك وحطيتك وسط عيني *** اداري خاطرك واكسر خواطر ناس
تغليني

ياصاحبي ماهي حكاية كرامة *** حنا خسرنا بسبتك ناس غالين

ليه اترك ايامك تبخر مع الريح *** وانسى وجودك بالحياه ابسهوله

ادري انك تحب الخاين اللي غدربك *** بس كمل طريقك وارفظه من حياتك

يمطر لغيري من حنانك سحابك *** ويموت قلبي ظامي بين اياديك

لو بحر الهوى غدار انا ياصاحبي عوام *** دام عيونك المرسى سنين العمر
مجدافي

قل للجروح الموجعه لاتجيني *** من مات قلبه ماشكى نوع الاعدام

ودي قبل موتي ارد اعتباري *** اخاف اموت وخاطري منك مكسور

دورت لك في داخلي شي يكرهك *** لقيت حتى الكره فيني يحبك

الا الوفا ماله بقلبك بقايا *** عند الذي مثلك اظن الوفا عيب

انا بدونك ليتني يوم ماكنت *** بس انت قلي كيف حالك بدوني

دمعن تناثر واتعب الكف لمه *** ومن حيرتي قمت امسح الدمع بالدمع

من الزهر عطر المحبه اخذتي *** ومن الطفل رقة حلاوة كلامه

نادت مشاري وصاحو الخلق لبيه *** من زينها كل الخلايق مشاري

لاينشغل في كلام الناس تفكيرك *** يكفي سميك اذا نادوه يربكني

عذبني اكثر لايهمك عذابي *** ازعل عليك ايام وارجع واحاكيك

ما كل من حبيتي يذكرك بالخير *** بعض البشر بنساك من يوم تمشي

اللي ستر عيبه عن الناس بهدوم *** وش يستره لاصار عيبه كلامه

ياشينها لاصرت للناس محتاج *** تصغربعين الناس من شان حاجه

جيت المكان اللي قعدنا به اوقات *** وعجزت اقعد في مكاني دقيقه

بعيونك القى كل عمري والايام *** وبفراقك يموت الامل في حياتي

حبك رسم كل الوفا في معانيه *** مليون احبك والف مليون ثاني

اخاف ابين حناني ثم تتكبر *** واخاف ابي قسا قلبي وتنساني

قلبي معك لو شفت حسي مع الناس *** ماغاب طيفك عن خيالي دقيقه

ليت المسافه بيننا بس مترين *** يمشي متر وامشي متر وانتلاقى

تقول ساعدني وانا اقول وشلون *** لو اقدر النسيان ساعدت روحي

خل العناد اللي براسك يولي *** اخاف لاتصغر بعيني واخليك

شافوه بعيوني وقالوا فضحته *** وشلون لو شافوا بقلبي طعونه

ماقلت لك عمر سيف العشق مايقتلك *** ماتشوفني حي قدامك وانا اموت فيك

ما احد خذا غيرك من الناس عمرين *** عمرك وعمر اللي معاك فات كله

ماقلت تكفى ولاني قايل تكفى *** هذا انت غالي قريب وتبتعد غالي

ادري مع غيري تخونيني الحين *** وادري بعد ساعه تخونين غيري

عادي معك ابقى وعادي اخليك *** مثلك مثل غيرك مجرد صداقه

راح العمر وانتي تقولين باكر *** وعيا يجي باكر من العام للحين

انت البخور اللي تطيب به الدار *** وغيرك حطب والكل بالفرق داري

باللين والترحال تكسب غرامي *** ماينفعك كثر التغلي والزعل
لايزعلك يابعد عمري سكوتي *** ترى الغلا ماهو بكثر السوالف

حاولت اشوه صورتك في خيالي *** وغصبن علي اميل يمك واحبك

لو الارض تحس بلوعتي يوم فرقاك *** يمكن .تجف بحورها من زعلها

نسيتني في زحمة افراح دنياك *** حتى سلام الله تكاثر تقوله

شلت عنك اللوم ماقصدي غلا *** رأفتن في حالتك يوم انتهيت

من قدر الايام جيتك كارهن نفسي *** لوقلت وش فيك بكيت وقلت محتاجك

مدري وصلتك ليه لاكن وصلتك *** مدري ولاكن في غيابك تعلمت

حتى الغلا في غيبتك قال وين انت *** حتى الشعور يظيعك ثم يلقاك

حتى الغلا بغيبتك يسألني موجود في : منتديات مملكة الفرات

توقيعاحمد علوش

سلمت يداك

حتى الغلا بغيبتك يسألني موجود في : منتديات مملكة الفرات

توقيععراب الشام

حتى الغلا بغيبتك يسألني Eskindria.com_11

حتى الغلا بغيبتك يسألني موجود في : منتديات مملكة الفرات

توقيعحنين

حتى الغلا بغيبتك يسألني موجود في : منتديات مملكة الفرات

توقيعمحمود 66

فعلا كلمات ساحرة
آخذتني الى عالمها
وقلم آبدع في رسم الحروف
وتميز بتركيبهآ وتنسيقهآ
عزيزي :
بحق آستمتعت بتواجدي هنا
وآعجبتني كلماتك اللؤلؤية .
ننتظر عطر بوحك القادم بشغف
دمت بخير احمد

حتى الغلا بغيبتك يسألني موجود في : منتديات مملكة الفرات

توقيعجامعة الكل