[بس كلمه راح أختار]
خلك ما صرت لو ما خليلي تصير
وصرت خلي برضاتك لأن صرت خلك
علمتك عليه من الألف للياء
تغلط بالأجابه وأني اعدلك
حرثت لخاطرك بالروح حرف الارض
بوسات وورد كل خلقي اشتلك
شمعة أنت بحياتي وعمري ظلمه ليل
شعلت بروحي وخفت ما شعلك اشعلك
اخاف سنين عمرك تحترق بالشوق
اظملك صرت ومن عمري أعزلك
عليك تسودنت مو بس أخاف عليك
أحل روحي وامسكك خايف تحلك
وأغمض من اشوفك وأخدر على الصوت
غلطه انت بحياتي وأبد ما زلك
كم بليس اوترتني وسمي عليك
وكم شيطان ارجمه بعمري وأشتلك
ما صير نبي بس راهب أنا وياك
درجات المحبه بشوق أرتلك
شلي بغيرك أنت وألقى مثلك وين
وتتعب وتلقى غيري شلك
ياهو لعلمك وتريد تمشي بعيد
سل الشوك خايف باجر يسلك
مثل ظله كنت بالخطوه نمشي ثنين
مشيت انت بظلامي وضيعت ظلك
دليني عليك سنين تايه بيك
وامشي وياي يمي حتى اندلك
عرفني على شخصك رايد احجي وياك
بس كلمه وبعد ما رايد غيرهه اقلك
وحده من الاثنين
بس وحده راح اختار
لو كلك احبك
لو احبك كلك
أخوكم
مــــايــســتـرو عــــراقــي
منتديات مملكة الفرات 
منتديات مملكة الفرات 
