عراب الشام  
الجنس : 
عدد المساهمات : 4216
العمر : 40
 | و لسى بيسألوك كيف عشت طفولتك.؟؟؟؟؟؟ |
|
العنف منذ الصغر
أول درس في العنف لما كنا صغار هو غرفة الفيران...وكانت أول درس في ثقافة العنف المكتسبة .. الغرفة الوهمية إلي كانو يهددونا فيا بالمدرسة يعني كلام الانسة إللي بدي أسمعو عم يحكي بدي حطو بغرفة الفيران
كمان العنف النفسي اللي كان يمارس من قبل الأهل
يعني الكلمات اللي كنا نسمعا دائماً
مثلاً : والله لأفرمك - والله لكسرك - بدي كسر ايديك - بدي اقبرك - بدي أهري نعمتك - اذامابسلخ جلدك عن عضمك ..................الخ
في مصطلحات عنف كانت تعتمد على الطب
والله لشيل عيونك - والله لطير راساك - يشوفك الحكيم ويهز براسه - والله لأقرف رقبتك وحملك ياها - والله لأقص عصبك ( أو لسانك أو إيدك ) لا فرق
في عنف مشتق من الكلام الوطني
والله لأطرأك كف خلي سنانك تمشي مسيرة قدامك
في عنف مشتق من الحيوانات
والله لخليك تقاقي ماتلاقي - والله لخليك تعوّي متل الكلاب
وفي عنف رومانسي
والله لفرجيك نجوم الضهر اللي صارت معروفة عنا أكتر من نجوم الليل
في عنف دبلوماسي أكيد عرفتوا
هو هديك اللحظة اللي بيجي فيا الوالد الكريم حامل معو صحن سيكارتو وبيقلنا: تعال بابا نتناقش بهدوء اعتبرني رفيقك ، وبغباء الابن المعهود منصدق وعند أول اختلاف وجهة نظر بيناتنا"طبعاً بابا"وبس نقول: بس يا بابا هدا رأيي....
بيطفي الوالد سيكارتو وبيطفي وجهة نظرنا بكلمة وحدة ولاك "...."صار عندك وجهة نظر !! سماع ولا نص نصيص كبرت لما صغرت .. طلعت لما نزلت .. بضلك تحت هالـ"...."و مابيمشي غير اللي أنا بقولو أوم ولا !! جيل اّخر زمن .. والله عال
حتى صار عنا عنف باعترافاتنا العاطفية
يعني اذا حبينا حدا منقلو.. تقبر قلبي - تطلع على قبري وغيرو كتير من المفردات الي مليانة عنف
الغنية الي بتقول
: يلا تنام ويلا تنام لدبحلك طير الحمام
تخيل انك عم تنيم ولد صغير عالغنية فيا دبح حمامة و بعدين ما منكتفي بانو نقلو ادبحلك طير الحمام رح نقلو روح يا حمام لا تخافي انا عم اضحك على **** يعني منبلش بالدبح و مننتهي بالكذب و المراوغة
؟؟؟؟و لسى بيسألوك كيف عشت طفولتك.؟؟؟؟؟؟
| |
|
حنين  
الجنس : 
عدد المساهمات : 8287
العمر : 38
| رد: و لسى بيسألوك كيف عشت طفولتك.؟؟؟؟؟؟ |
| والله لأطرأك كف خلي سنانك تمشي مسيرة قدامك
و لسى بيسألوك كيف عشت طفولتك.؟؟؟؟؟؟
يسلموا غاليتي على طرح الموضوع الرائع والواقعي
بس انا الحمد الله عشت طفولتي غير هيك تمام | |
|
عراب الشام
الجنس :
عدد المساهمات : 4216
العمر : 40
| رد: و لسى بيسألوك كيف عشت طفولتك.؟؟؟؟؟؟ |
|
شكرا لمرورك
أنا كمان عشت طفولة غير هيك بس يعني هاد الواقع العام بمعظم البيوت
نورتي الموضوع بكلامك
| |
|
محمود 66  
_
الجنس :
عدد المساهمات : 13454
العمر : 41
| رد: و لسى بيسألوك كيف عشت طفولتك.؟؟؟؟؟؟ |
| | |
|
منتديات مملكة الفرات 
منتديات مملكة الفرات 
