محتاج كلش إلك يل شاغل أنت الفكر
محتاج إلك مو حچي وأرتاح من ينذكر
نيال من قابلك يا أحلى صورة شعر
زعلان ليش الزعل زعلان آني أعتذر
بس أرجع لخاطري وصير على نحري عطر
صير على جفني كحل حليني بين السمر
تعبني ذرف الدمع بس ماطفالي الجمر
بركان في داخلي وياخوفي لا ينفجر
إي شمأخرك ماتجي ما ظل إلك كل عذر
أهلال جرحه إكتمل إي كمل وأصبح بدر
صدقني حيل تعبت حبك عسر مو يسر
ترجيت وتوسلت بيك شكثر وشكثر
مافاد بيك الرجا وجبرتني لهل أمر
ما ظل بعد أنشدك خليك مني حذر
وحچيهه لا تستحي گول أنت طبعك غدر
حبك تحيه لصبح ما تلفظ بالعصر
روح وبعد لا ترد شعار صار الهجر
إلماعرف معنى العشق مابعد أحطله قدر
كانت درجتك بگلبي ألف بس هسه صارت صفر
New 2011
Maestro.IRAQI
منتديات مملكة الفرات 
منتديات مملكة الفرات 
