ليش وشلون
قلبك مــنكســـر لمن بعتني ؟!
شلت سنين حزنك بين العيون
وانت بكم شهر ماشلت حزني !
صبرت اني وقلت دمعاتي تهون
ومن جيتك لقيتك فارقتني
شيفيد الدمع لو زخته اعيون
وانته بعينك الصلفه تركتني
لتقول الزمن غدار ويخون
زمانك ماغدر وانته غدرتني
امسح كلشي ضل بالماضي مسجون
وامسح ذكرياتي الصبرتني
واوعدك راح امسحك من الجفون
مثل مابيدك الوكحه امسحتني
مو كتلي الامان بجنبك يكون ؟
بامانك ليش غفله وضيعتني
لجلك حاربت كل اهلي والكون
قلت ماريد غيرك يل عفتني
مايحتاج اعاتب واطلب العون
منك وانته بيدك عذبتني
ولا يحتاج اقلك طبعك تخون
تعرف نفسك انته شقد خنتني
حبيتك صدق حب طفل مجنون
و انطيتك حياتي وموتــــتــني
اشكرك علمتني الحب والضنون
ودروس هواي اشكرك علمتني
منتديات مملكة الفرات 
منتديات مملكة الفرات 
