بيقولوا انو الصحراء قاسية كتير ومافيها شي غير الرمل والحر
ومن شدة قساوتها ما بتخلي وراك أثر
ولكن الصحراء يمكن مرة تتغير وتصير حنونة ويقلب حرها دفا
وعلى رملها يطيب الغفا
وتبعد عنك وحوشها ويحلا هواهاوما تشعر فيها بضجر
أما أن كانت الصحراءبعيوني احلى من هيك واكتر
لأن خطواتي رافقني فيها "حبيب"
مشيناها سواوكان يداري عني حر الشمس وهبات الهوى
ولما يحاصرنا ليلها الأسود كنت شوف بعيونو نور القمر ولو عطشت
من قلبو كان يرويني ولو مرة خفت من حضنو الأمان يهديني
ونام بغمراتو الحنونة واحلى نومة بعمري لما اغفا بحضن
"حبيب"
وبليلة من الليالي بصحى من غفوتي وبشعر اني لحالي
والحضن اللي غفاني فجأة غاب ولمسة الحنان اختفت
وخلتني للعذاب وعرفت انو راح وتركني
وهلأ
خوفي مين يهديه؟
وعطشي مين يرويه؟
وعيوني يلي ماعم تشوف حدا بعد ما غاب
مين بيمسح دمعها؟
ووحشتي مين بيونسها ؟
حتى الأمان والحنان راحوا معو
وتركني بصحراء مافيها أمل للحياة
بوجودو رسملي الصحراء جنة وعرفت متأخرة
انو قد ما كانت الصحراء قاسية
بتضل ارحم من قلوب البشر
والعبرة :انو الصحراء ربنا خلقها قاسية بس خلق قلب للبشر والمفروض يتراحمواوما يتركوا للقساوة أثر
بس للأسف هالقلوب عم تقسى لتصير حجر
منتديات مملكة الفرات 
منتديات مملكة الفرات 
