إللى بنى مصر كان فى الأصل حلوانى
- إللى عاجبه من الكحل يتكحل ، واللى مش
عاجبه من البلد يرحل
- إذا غضب الله على قوم أسكنهم بنها وشبين
الكوم
- ألف حاوى ، ولا محلاوى
- ألف مجاوسى ، ولا دقادوسى
- ألف نورى ، ولا دمنهورى
- إن كان دراعك سنابلة ، أقطعه ( سنابله
: نسبة الى مدينة السنبلاوين بالدقهليه )
- إيش ها يسرق فرخة ، النورى ( نورى :
نسبه الى طائفه النور )
- إيش تاخد من تفليس ، يا برديسى ( نسبة
الى عثمان بك البرديسى )
- بلد محدش يعرفك فيها ، امشى وشنكح فيها
- جاور الحاوى ، ولا تجاور محلاوى
- طالعين من الجحور ، يضربوا أهل البلد
- الغريب أعمى ، ولو كان بصير
- فوتنا على دقادوس ياما جرالنا ، بلد
تبيع المش بالفنجان
- الفرح فى ميت المخلص ، وأهل شرشابه
بترقص ( قريتان بمركز زفتى )
- ميه مالحه ، ووشوش كالحه
- ميه نيلى ، ووشوش خنازيرى
- محدش بيجى من الغرب ، يسر القلب
- ما اسخم من زفتى إلا ميت غمر
- المنوفى لا يلوفى ، ولو أكلته لحم
الكتوفى
- ما يجى من دماص ، إلا كل بلاص ( قريه
من قرى ميت غمر )
- يا ساكن الكفور ، يا ساكن القبور (
الكفور : تطلق على القرى البعيده )
- يا رايح حنوت خد غداك لتموت ( حنوت :
قريه تشتهر بالبخل من قرى زفتى )
- يا رايح الخانكه على حمار ، ما ينوبك من
السفر قد المشوار
- يا رايح بدسا ، خد غداك لتنسى ( قريه
بمركز العياط )
- يبيع الميه فى حارة السقايين
- يا رايح العايشه ، لقمتك بايشه (
العايشه : من قرى زفتى )
- يا رايح ميت نابت ، اربط على بطنك بحزام
ثابت ( قريه تتبع مركز طلخا بالدقهليه )
عدل سابقا من قبل الكنغ في الأحد 15 أغسطس - 17:03 عدل 1 مرات
منتديات مملكة الفرات 
منتديات مملكة الفرات 
