حقوق المرأه قال ايه حقوق

ح

ـوق المرأة
الدكتورة : ليلى صالح عزوز
باللهجه الحجازيه الجميلة

ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟
بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟
تحطوا ضوابط إصدار الرخص لمحلات الحلاقة مثلا؟
والا تناقشوا سفلتة الشارع اللي يودي على بيت أم إبتسام؟
والا ليه الشارع الفلاني ما فيه كوفيرة مغربية وكل اللي فيه مصريات؟
يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..
طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.
مثلا: في بلدان كثير عربيه وأوروبيه تلاقي رجل طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الرجل يتحرك؟ .. أبدا...

لكن هل يمكن يحصل هادا في السعودية؟ أبدا ..
واللي يبغى يجرب.... الطريق قدامو .... يا عمي العملية كلها دلع حريم في دلع حريم ...
رايحه أعطيكم بعض الأمثلة وقولوا لي مين اللي آخِد حقُّوقه بالكامل وزياده؟
وهل عندنا المرأة متساوية مع الرجل .. والا هي أحسن مِنُّو؟
قال حقوق المرأة .. قال.

اقتصاديا

شوف الراجل.. السبع... الغضنفر.. المفتري...له ثوبين أوثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ...
والمرأة بسلامتها .. بقيمة أدوات مكياجها فقط ...
تقدر تفتح محل خياطة رجالي محترم . ويا ريت تحط من مكياجها في البيت.. لأ.
داه بَس للخروج ... وقيمة صباع روج والا علبة بودرة تساوي قيمة جوال جوزها
فستان لكل فرح. و مكياج.
وكوفيرة..وجزمة..وشنطه. وكمان خُدوا هادي .. سابع بنت عمي. خطبة أخت جارتنا . ولازم هدية. والرجل يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.)
قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..
ويعني إيه عنده مشاكل في العمل؟! والا أقساط متأخره؟!
والافواتير؟! والا مقاضي ما يعرف كيف يجيبها؟!
مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم ....
والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. اولادك) طفَّشوني .. إيش رأيك نغير غرفة النوم؟ التلفون ما فيه حراره ...
جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي.
بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه ...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..
حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.
ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا.... يا عيني علينا إللي ما نروح غير يا مصر... يا سوريا ... والسنة اللي غيَّرنا فيها ... رحنا ماليزياوماتقول شوف زوجة فلان ايش عملت لزوجها لانه من المحضورات .

قال إيه؟ ... حقوق المرأة.

شرعا
المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم

حقوق المرأه قال ايه حقوق موجود في : منتديات مملكة الفرات

توقيعجامعة الكل

بدي اضحك لانو الدكتوره هي خطيره جابتها على الجرح

بس مو كل الرجال طيبين هي تتكلم على البنات اللي مايعجبهم العجب ولا الصيام برجب

امتعني طرحك كثير وفعلا لو يبين فيهم وما زال فيه خير ببناتنا ولله الحمد بس فيه عينه من النساء هيك

يلي ذكرتها الدكتوره هي بدها تعديل بالتفكير .. والمفاهيم .. واحترام الرجل ومعرفة حقوقه

للله درك .. ما اجمل ما خطته اناملك كان غير متكلف ولا منمق سلس يصل للكل

واللهجه الحجازيه غنيه عن التعريف مستقلة اشكرك جدا على تميزك الملحوظ

تقبلي مروري واحترامي لك سيدتي
جامعة الكل

حقوق المرأه قال ايه حقوق موجود في : منتديات مملكة الفرات

توقيعحنين

حقوق المرأه قال ايه حقوق موجود في : منتديات مملكة الفرات

توقيعجامعة الكل

تابعنا ليصلك جديدنا

حقوق المرأه قال ايه حقوق

حقوق المرأه قال ايه حقوق