مـا أذل القلـب لأجلـك وانكـسـر
وما يحـرك ساكنـي مثلـك بشـر
أنت رمشه من عيونـي لـو تطيـح
وش ترى صاحبها لو طاحت خسـر
غلطتي من جيـت أشكيلـك ظماي
كنت أحسبك بالنظـر أعـذب نهـر
غرنـي موجـك ولكـن لـلأسـف
كيف بشرب وأنت يـا مالـح بحـر
عزتي أغلى مـن قلـوب وجـروح
وإن جرحني الوقت صدق ما أنكسـر
ضربتك مـا تكسـر إحساسـي أنـا
ضربتك بالعكس قوت لـي الظهـر
مـا تشرفـت بهـواك وعشـرتـك
وما أبي دربك ولـو دربـك جمـر
مستعد أمشي على نـار مـن شـوك
الا دربك أرفضه ولـو هـو زهـر
ما هو من بـادل شعـوري أعشقـه
وما هو من طال السما أصبح قمـر
لو هو كل من حبني أصبـح محـب
مابقى في الـوادي صدقنـي شجـر
أفضل أنـك تبتعـد عنـي وتـروح
لا تحـاول لا ولا تعـيـد النـظـر
لا تفكـر تشـرب بكـاس الـهـوا
شلون تشرب وصل كاسك لو انكسـر
يا خسارة مـا كتبتـه فـي هـواك
يا خسـارة بيـت وقصيـد وشعـر
غلطـة منها تعلمت الكثير
علمتنـي غلطة الشاطـر عـشـر
انتهـى مشـوار حـبـك انتـهـى
والأ مل ويـاك مـا عنـده صبـر
ما يفيدك لو رجعـت ولـو رجيـت
من يزول الغيـم لا ترجـي المطـر
منتديات مملكة الفرات 
منتديات مملكة الفرات 
