فرفشنا عمو كيمو.....2

بسم الله الرحمن الرحيم

فرفشنا عمو كييييييييمو....2
ليش الحمصي بيجرح وجهو لما بيرن الجرس وهو عم يحلق ذقنو؟!!
مشان يعرف وين وصل بالحلاقة!!!
==========================
في طفل اتسمم ليش؟؟؟؟؟ لأنو شرب حليب معفن نانتو رضعتو!!!
==========================
فيه حرامي دخل على بيت حمصي مسكو الحمصي وقلو انت حرامي ولا شو رد الحرامي ولا شو فتركو!!!!!!!
==========================
حمصي حط سيارته ببيت مهجور ليش؟؟؟؟؟ بدو ياها تصير شبح
==========================
وحدة تقول لزوجها جارنا قبل مايطلع من البيت بيبوس مرتو ليش انت مابتعمل نفس الشي قال الزوج أولك بتوافق!!!!
==========================
اتنين حماصنة قال الأول شو وجه الشبه بين كاظم الساهر وبين جورج مايكل قال الثاني ولا شي بس تشابه أسماء
==========================
كيف الحمصي بيصيد الأرانب؟؟؟؟؟بيقلد صوت الجزرة!!!
==========================
مرة جاجة كانت معلقة بيضة على رقبتها لما سألوها ليش عملتي هيك قالتلن هي صورتي وانا صغيرة
==========================
كان في ارنب راح لعند صيدلي قلو في عندك جزرة قلو ما عندي اجا لعندو تاني يوم قلو بدي جزرة قلو اذا بتجي لعندي مرة تانية بلزقك بالحيط اجا لعندو تاني يوم قلو في عندك لزيق قلو لأ قلو عطيني جزرة
==========================
شو مكتوب على أسفل قنينة الكازوز عند الحماصنة ؟ الفتح من الطرف الآخر
==========================
كان في اثنين تنابل - كسلانين قال الأول للتاني يا ريت في عنا زر بنكبسو بيطلعلنا كل شي بدنا ياه قاله التاني يا ريت هالزر بينكبس لحاله
==========================
قال في واحد حمصي شاف موزة بالأرض قام قال الله يعيني على هل الوقعة
==========================
ليش الحمصية بطب راسا وقت بتتحمم؟؟؟؟
لأنو مكتوب على الشامبو " شامبو طبي "
==========================
ليش الحماصنة زرعوا فليفلة حول حمص ليــــش؟
من شان يحطو حد للنكت إلي عبتطلع عليهم!!!
=========================
شو آخر كلمة قالها طرزان قبل وفاته؟
مين قطع الحبـــــــــــــــــــــل؟
==========================
قال ليش الحمصي بيتأخر لياخد الدوا؟
من شان يخلي الجراثيم على اعصابها
==========================
ليش الحماصنة بزيتو الشجر ؟
مشان ماتزقزق العصافير.
==========================
قال في جاجة بتبيض بيض بدون قشرة ليش؟؟؟؟؟
لانو بتستخدم هيدآندشولدرز
==========================
فية نكتة ما رح بحسن ..... لييييش ؟ خايفة تضحكو عليها
==========================
قال واحد لبناني بدو يعلم واحد حمصي كيف بيتغزلو بالبنات قام فاتوا ع محل ورد قلها اللبناني: عندك ورد يا وردة رجعوا فاتوا ع محل زهر قلها اللبناني عندك زهر يا زهرة قام عرف الحمصي كيف بيتغزلو بالبنات قام فات ع سوبرماركت قلها للبنت: عندك حليب يا بقرة!!!
==========================
قال في واحد حمصي جاي من حلب بعد عراك طويل مع اهالي حلب قام لقى مصباح سحري فركو قام طلعلو مارد
قلوشبيك لبيك إلك امنية واحدة اطلبها :قام قللو
بدي طريق من ذهب طويل كتير قام قلوو شو عم تطلب المستحيل انت !!؟قام قلو بدي شي واحد حلبي ادامي
.......قام قللو المارد خلصصني كم بدك طول الطريق
==========================
في واحد حمصي ماشي بالشارع قام لقى فانوس.حكو للفانوس قام طلعلو جني.قاللو شبيك لبيك خدامك بين إيديك.
قاللو الحمصي: بدي جسر من هون لأمريكا.
الجني قاللو:صعب أطلب طلب تاني.
قاللو الحمصي :خليني ذكي.
قاللو الجني:بدك الجسر رايح لا رايح جاي
==========================
في واحد ومرتو راحو يتطلقوا في المحكمة قام قال القاضي للزوجة شو سبب الخلاف بيناتكم فقالتله يا سيدي لقيته تيس كتير فقال لها القاضي ليش ما بتعرفي أنو هو هيك من الأول فقالتله لأ ما بعرف فقال له الزوج مبلا سيدي بتعرف بتعرف
==========================
واحد حمصي قاعد مع خطيبته. وفي لحظة رومانسية قال لها:
حبيبتي سمعتي!!
فردت عليه: لأ ما سمعت.
قلها: اي هلأ بتشمي
==========================
قال كان في واحد من عيلة حمصية سافر ع ايطاليا ولا دقلو اخوه وقلو تعال بسرعة ولا رجع هاد الزلمة
وشاف اخوه بالمطار ذقنو طويلة قلو وهو خايف شو في اخي قلي امي صرلا شي ؟؟؟قلو ادخل لعند اخوك
ولا دخل لعند اخوه وشاف ذقنوه طويلة كتير ولا قلو وهو عم يرجف خير شو في ابي صؤلا شي قلو لأ ادخل لعند ابوك ولا دخل لعند ابوه
ولا شاف ابوه ذقنو طولا خمس امتار وركض عليه وهو عم يبيوس ايديه وقلو كرمال الله في شي
قام قلو الأب هيك بتروح ع ايطاليا وبتاخد معك شفرة الحلاقة!!!!!!
==========================
خبروه لواحد ان تاني يوم لازم تنزل مظلي قام امه قالتله برضايي عليك ما بتروح قالها يوه ماما شو روح ماروح شو شايفتيني ولد انا رجال ابن رجال
المهم فاق تاني نهار وهو رايح ردت قالتله امه برضايي عليك ما بتروح والله آمطتني قلبي من هل الروحة مبارح شفتك بمنامي عم تحاول تفتح المظلة وما عم تفتح معك
بقى حبيبي لا تروح قلها شو احلام وما احلام ايه شو هل الحكي الفاضي ماماشو بدك ياهن يضحكوا علي خلص قلتلك رايح يعني رايح
المهم هاد راح لهونيك نزل اول واحد لحقه التاني وهيك لاجي دوره وهو بده ينزل من الطيار
وقف قله لمعلمه والله يا معلمي خايف انزل امي آمطتها قلبها وشايفتني بمنامها نازل ومو فاتحة معي المظلة
قلو شو هل الحكي هاد مو ناقصني والله غيراحلام امك قله الجندي والله خايف يا معلم ما تفتح معي الله يخليك بلاني انا قلو خلصنا بقى هات مظلتك وخود مظلتي وحاج اكل هوى
هادا اخد هل المظلة تبع معلمه ونزل والله عم يتمرجح يمين شمال يمين شمال وعلى اخر طرزوما شاف غير شي متل السيخ نازل من فوقه
اطلع هيك قام لقى معلمه قله لك معلم معلم وين نازل قله نازل ن-- امك يا ابن الشر----
==========================
واحد حمصي راح ليحضر مباراة كرة قدم وطول الوقت كان يطلع للزاوية الفوقانية فسأله رفيقه ليش عم تطلع لفوق فقال له الحمصي وين كلمة مباشر
==========================
إجوا الأمريكان عملوا دعاية مارلبورو في حمص قام الحماصنة تاني يوم اشتروا أحصنة.......
==========================
كيف بنقتل الفيل الازرق ؟
بالمسدس الازرق
كيف بنقتل الفيل الاحمر ؟
بنخنقه بصير ازرق بنقتله بالمسدس الازرق
كيف بنقتل الفيل الاسود ؟
بنغسلة بكلوركس بصير ابيض بنخجله بصير احمر بنخنقه بصير ازرق بنقتلة بالمسدس الازرق
==========================
قال كان في تنين اخوات تنابل كتير واحد منهن تتاوب فقلو اخو اسمك فاتح تمك وفاتحو نادي لماما
==========================
بدوي ضل أربع شهور من غير حمام كشفو عن راسو لقو القمل عم يصلي صلاة إستسقاء
==========================