هوارة خدام الله يقلل من امثالو

عالهوارة الهوارة خدام بطل الهوارة

لم العملة وسب النا س وهرب بأول طيارة

قال بدي سافر ع باريس حتى أكذب ع كيفي

تبلش بيض وتفنيص وأكشف للعالم زيفي

تاأعمل فارس عتريس وحارب طاحونة بسيفي

بعد اللي عبيت الكيس من مواسم شتوي وصيفي

عندي عتبة أوناسيس بتسوى بلادي وجوارها

الداعي مواطن تحت الارض باكل فضلات زباله

ولساني عشيتو القط ولبسي كلو من البالة

ولا عندي مينا ولاشط ولا في يختين ببالي

وراضي ابقى ع هالخط وبتشرفني هالحالة

عالهوارة وحب الشام عندي نغمة دولية

صار لي سبع تمن تيام عايش أزمة نفسية

مش قادر اصحى ولا نام كرهت تيابي اللي عليي

وما فاد حبوب وبرشام ومخزون الفرماسية

ولاخفف عني الآلام الحفلات الترفيهية

ولما تفاجأت بخدام عم يحكي عالعبرية

جتني الضحكة وما بنلام وراح الهم اللي فيني

مضحكجي وبياع كلام كلو بأمر الختيارة

ولما فتنا ع بيروت خبرني انت وينك

نحن نظلم انت تفوت وتخبي الناس بعينك

كل واحد غيرك عكروت وانت القديس بعينك

نحن كنا نهد بيوت الناس وانت يا حينك

تطعميهم راحة وبسكوت من عنجر للمنارة

ياخاين فتح عينيك عم تنطح صخرة صوان

واللي قلك تحكي هيك متلك متلك مرتبمش فهمان

يعني بكذباتك يا بيك بترجع ريس للاوطان

وحق الرب كتير عليك تركب بغلة وحمارة

سوريا دخلت لبنان وانهت حربو الأهلية

وخسرنا أحلى الشبان ومنهم بالجملة خيي

وخدام ولادو الشجعان جابلون تاني جنسية

وشغلهن بهالدكان بالاسواق الدولية

شي بياع وشي دفان نفايات تسم المية

وتلوث جو الأوطان باشعاعاتها الذرية

ويا خاين فتح عينيك عالسيليكون اللي جنبك

وأشرف مما تعمل هيك تضب العيلة اللي عندك

جمال وجهاد يا بيك خربو البلد اذا بدك

نفايات ونسوان يا بيك عملو كل شي بحقارة

وآخر دربك واضح صار بدك تفطس بالغربة

وما تحلم ترجع عالدار الا وراسك عالحربة

وبتضلك خادم غدارترضي مولاك الغربي

وأذناب الغرب شو كتار متل الهم ال ع قلبي

سايرهم وارقص ع الزار اقلب لك كل ساعة قلبة

عيب الشوم خزي وعار متبري منك شعبي

وحطك بنفس البسطار مع حاخام المختارة

هوارة خدام الله يقلل من امثالو موجود في : منتديات مملكة الفرات

توقيعسحر الشرق

عدل سابقا من قبل سحر الشرق في الأربعاء 17 أغسطس - 1:23 عدل 1 مرات