حنين  
الجنس : 
عدد المساهمات : 8287
العمر : 38
 | صينية الرقاق الغير تقليديه بدل باللحم هتبقى باللبن وتعالو نشوف |
| ]صينية الرقاق الغير تقليديه بدل باللحم هتبقى باللبن وتعالو نشوف ازاى نعملها:
اولا المقادير:
1.الرقاق ونجيب 5او6رقاقات بس
2.نص كيلو لبن دافئ
3.سكر حسب الرغبه
4.سمنه سايحه على النار
ثانبا الطريقه:
ندهن الصينيه بتاعتنا بالسمن
نجيب اول رقاقه ونبلها بالماء الدافئ من الصنبور على وشها وظهرها بس يدوب بله خفيفه يعني بنعدي الميه عليه بسرعه ونحطها في الصينيه المدهونه بتاعتنا
وبد كده ندهنها بالفرشه بالسمنه السايحه
وبعدين نجيب الرقاقه التانيه ونبلها بالمايه الدافيه من الصنبور زى الاولى كده ونحطها في الصينيه على الرقاقه الاولانيه
وندهنها بالسمنه
وهكذاااااا لحد ما نكون خلاص رصينا ال5 او 6 رقاقات بتوعنا في الصينيه ودهنين السمن بين كل واحده والتانيه
وبعدين نقطعها مربعات او زى تقطيعت البيتزا زى ما انتى عاوزه
وتدخليها الفرن اللى هتكونى مشغلاه من ساعت ما تبدي الرص في الصينيه علشان يكون سخن
وهتحطيها على درجة 180 او 200 ولمدة نص ساعه وتبصي عليها لو لاقيتيها لسه ما احمرتش سيبيها كمان شويه لحد ما تلاقي الوش بتاعها لونه دهبي خفيف
واول لما تطلع تصبي عليها اللبن اللى انتى هتكونى سخنتيه وقلبتى فيه كميه السكر اللى انتى عاوزاها خلال ما كانت هى بتستوى
]
وبالهنا والشفه وجربوها وقولولى رأيكو بالله عليكو | |
|
منتديات مملكة الفرات 
منتديات مملكة الفرات 
