غلطت وياي غلطة ولا سهم بالعيـــن
إمأمل عليــــه ويخطــي نيشــانـــي
أنا بروحي الريام تسابك الملهـــــوف
على درب الصكر جا شنهي ودانـي
صمت علا اذكرك بس مهابي رجيج
فطر قبل الاوان بأسمـــك السانــــي
تندهمي الدموع يعتني صوت البيـن
حي إعلى الحزن اسمعهه بوذانــــي
يطب حبك غفل من غير دكة بـاب
جي يدري بجفوفك شرهـه بيبانــــي
سكنت بنص شجوني واسمع انته تخون
ولجلك خونتهـــه اذان شريـــانـــــي
بستاني الفرح جفــــك خبـــث فلاح
حصد وردي وزرع بجروح بستاني
شجرة انا الجنت صرت النهار بليل
حتى اضوي بدروبك احرك اغصاني
صرت نجمة بسماك وضكني شمسك جور
كلهـــه ومانـسيتـــك ليــش تنســانـــي
واجزيت المواجع واطري طر الطيف
وابصحرة سكونـك واحــــة تلكانــــي
نص بحرك عواطف طشهه صم الغيض
وابسفني شجنيــــت وتـارك الجانــــي
ياوحشـة ضحكتـــي وخاتمــة لفـــراح
يــــاأول نــــــزل ببيــــوت وجدانــــي
جنت واهس بسمتي وضحكتي بدمعات
وجنت مدري اشجنت كل جلمه بلساني
ياهيه اليسامـــح هالوكــت ميشــــــوم
ترسملـــي النجــم واتكصهــه جنحانــي
يامزنـــة محن مـــرت تهل بحشــــاي
سكـــت أول جرح خضــر جرح ثاني
منتديات مملكة الفرات 
منتديات مملكة الفرات 
مششكور على الطرح الجميل
