السلام علييكم
الى كل الأعضاء اللي تابعوا معي رواية ( بين السراب والحب نظره ) ..
طبعاً الكل يعرف انها توقفت لفتره .. لكن الكاتبه ولله الحمد رجعت تكملها ..
لكن هالمره راح يكون فيها بعض التغير لأن الكاتبه عند رجوعها لأكمالها
اعادتها من بدايتها و وضعت عليها بعض التغير .. لكن صدقوني ما تقل
عن روعتها بالمره الأولى !!
.
.
اتركم معها ..
.
.
لا أنكر إني قد كرهت روايتي هذه من بعد طرحها..ربما لانني كتبتها في سن صغير
حين كان عمري في الرابعة عشر وتجاهلتها
لكن حين أصابني فضول رؤيتها بعد سنتين .. رأيت كيف انها نالت اعجاب الكثير..
و أيقنت بأن الصادر من القلب يدخل للقلووب المفعمه
هذه ليست أجمل رواياتي.. لكنها أول رواياتي
بين السراب و الحب نظره
بواسطة: طوس
الجزء الأول
تغريد : سماهروه شوفي انا بروح اجيب الجدوع على مااجي انتي قعدي ع النت
سماهر : تغريدوه بلا هالرسميات هدي انا مو غريبه
تغريد: مالش شغل سكتي
سماهر : بكيفش انتي اللي بتتعبي حالش مو انا
طلعت تغريد وبقت سماهر في الغرفه وفتحت النت وجت بتفتح ايميلها .. توها بتحط
كلمه البسر انفتح الباب
سماهر افتكرت تغريد فمارفعت راسها
،،،،،،،،،، : ياهلا تو مانور البيت
سمعت سماهر صوت رجال رفعت راسها على طول
سماهر : مازن ؟
مازن : اي مازن اخباره الحلو؟
سماهر ماعجبتها طريقته وانتبهت ان لفتها مو على راسها فعلى طول حطتها على
راسها
سماهر : مازن اطلع لو سمحت
مازن ؟ شووو ؟ بيتنا وتطرديني منه ؟
سماهر : انا ماطردتك لكن من باب الاخلاق والادب ان مكان فيه بنت مايصير فيه ولد
مازن : شدعوه خلينا نتونس سوا
سماهر : خسيس انت ؟؟؟
مازن : نعم ؟؟؟
سماهر : ينعم عليك
مازن مبتسم : اعتذري لي يلا بسرعه
سماهر : مالت عليك يا صايع انقلع عن هني
مازن : آآآآخ .. طيب
بعد ماطلع مازن بعشر دقايق دخلت تغريد
تغريد : طولت ؟؟
سماهر : واجد
تغريد : مسكتني أمي تبغاني أشغل ليها مقطع في جوالها
سماهر : حليلها
تغريد : يلا مدي إيدش واكلي
سماهر : لا والله أنا من التعب بامد رجولي
تغريد : ههههههه.. كلا واحد
دق جوال سماهر بعد خمس دقايق وطلعت من بيت خالتها لان المتصل ابوها
في الصاله
لمحت سماهر مازن في الصاله و اتغطت..
سماهر : يلا غرووده.. بيباي
تغريد : بذبحش.. ماقعدتي واجد
سماهر : شسوي على أبوي..يلا باي
تغريد : باي
مازن من وراها:شو الناس بتطلع وبدون ماتقول لنا مع السلامه؟
سماهر : تغريد مع السلامه
مازن : هدي المره الثالثه اتقوليها لتغريد واحنا لا ؟.. شو احنا مو ناس
شايفتنا ؟
سماهر: ابوي برا تغريد انا طالعه تامريني بشي ؟
تغريد واهي مو مستوعبه اي شي : سلامتش
سماهر : باي
تغريد : باي
وصلت تغريد سماهر للباب الخارجي ورجعت
تغريد : مازن
مازن واهو واقف ويبي يبتعد عنها : نعم
تغريد: شفيها سماهر اتكلمك كدا ؟
مازن: ممكن سؤال ؟
تغريد : اسال
مازن : سماهر صاحبتش لو مو صاحبتش؟
تغريد : صاحبتي
مازن : عجل روحي اسأليها اهي
| هذي سماهر ... وهذي تغريد بنت خالتها و هذا مازن ولد خالتها... و عندهم اخو غيره هو سامي |
ـــــــــــــــــــــــــــــــــــــــــــــ ـــــ
بعد يوم راحوا كل العائله الى بيت اهلهم
سماهر قعدت مع تغريد
دخل مازن
واهو جنب الباب انحنح : يالله يالله
سماهر لما شافته طلعت التهويه
قعد اشوي وطلع الى المكان اللي فيه سماهر
مازن : شو ليش طلعتي لما انا دخلت ؟
سماهر غطت وجهها عنه : شتبي ؟
مازن : حبيت اسلم على بنت خالتي
سماهر : الله يسلمك
مازن : يلا عن إذنش
ـــــــــــــــــــــــــــــــــــــــــــــ ـــــ
مكالمه بين ضحى وسماهر
ضحى : اخبار ماجد ؟
سماهر : الحمد لله تمام
يقاطعها اخوها ماجد : من تكلمين ؟
سماهر تخاطب ماجد وتبعد السماعه اشوي: ضحى
ابتسم ماجد وقال : سلمي عليها ( هم يحبون بعض كدا من اول نظره بعدين اقول لكم
كيف تم تعارفهم لكن مايكلمون بعض ع التلفون ولا اي شي )
سماهر : ضحيوه يسلم عليش اخويي ؟
ضحى من الخربطه : من ؟
سماهر:علاء ، يعني من غير ماجد ؟
ضحى بخجل : الله يسلمه سلمي عليه
سماهر : اففف بقضيها لكم سلامات انا ؟
ضحى : ههههههههههه
سماهر : يلا ضحوي انتظرينا بعد شوي بنجي نخطبش
ضحى : قلبي وجهش كذابه
سماهر : بل بل بل ميته على أخوي.. خمسه و خميسه
ضحى : وجهش .. باي باي
سماهر تضحك : بايات
ضحى : لحظه لحظه تعالي ..
سماهر : هاا
ضحى : ما كلمتش روعه ؟؟
سماهر: لا .. ليش ؟
ضحى: لا خلاص .. اتلاقيها شوي و اتدق .. باي
سماهر : بايات
شوي و يرن التلفون بعد ماسكرت ضحى
سماهر: ألو
نادر: ألو السلام عليكم
سماهر: عليكم السلام
نادر: هني علاء ؟؟
سماهر : لا مو هني ...
نادر : و ماجد ؟
سماهر : دقيقه
سماهر : ماجـــــد
ماجد : نعم ؟
سماهر : واحد يبغاك
ماجد : من ؟؟
سماهر : واحد من أصحابكم
قام ماجد بتثافل ورد : ألو
نادر: هلا مجوود
ماجد : اخلص على أمي و اتصل على جوالي.. زمن جدي داق ع البيت فشلتنا
نادر : هههههههههه .. اوكي باي
بعد ماسكر ماجد رجع التلفون يرن
ماجد : ألو ؟؟
روعه : موجوده سماهر :
ماجد : دقيقه
ماجد : سماهر التلفوون
سماهر : هههههه قاعدين ع المناوبه ثنينا
قامت و اخذت منه التلفون
سماهر : ألو؟؟
روعه : هلا سهوور
سماهر : هلا
روعه : عندش شي ؟؟
سماهر : لا
روعه : حلوو.. بنطب عليش
سماهر : وين ؟
روعه : بيتكم.. أنا و الشله
سماهر : زاده ضحووي تسالني كلمتش لو لا
روعه : إي لأنا متفقين كلش ان احنا نجيش
سماهر : حياكم
راحت سماهر تعدل المجلس واتحط فيه الجدوع( الأكل اللي يقدموه للضيوف )
سبحت ( اتروشت) واتعدلت وبعدها بخمس دقايق جو صاحباتها
روعه: ايه الجمال دا ؟
سماهر : دخلي دخلي
صبا : هلا حبيبتي اخبارش؟
سماهر:بخير دامني شفتكم
ضحي:ياهلا
سماهر:اهلين حياكم اتفضلوا
دخلوا المجلس وقعدوا
روعه : سمعت خبريه انو البنت لما بتتزين هيك معناته انها عشآنه (عشقانه)
سماهر : عشقانه عيونش سكتي واللي يرحم والديش
ضحى : سماهر قلبي يألمني
سماهر فهمت لأنها يمكن اتشوف ماجد : هههههههههه الله بغربل ابليسش ياهبله
ضحى : لا جد والله يألمني
سماهر : عجل خلني اجيب بعض الناس يحطون يدهم على قلبش وبيروح الألم ( وتغمز لها )
ضحى : اعقلي عااد
روعه : صبوه خلنا انقول في عندهم اسرار بالتغمز
سماهر: قعدي انثبري مكانش مافي شي اصلا
قعدوا لين الليل وطلعت ضحى قبل العشا لأن ابوها جا لها .. سلمت ع البنات وطلعت
فتحت باب الطريق الا تلاقي ماجد بوجهها
و ماجد عرفها
ماجد : ضحى ؟ كيف حالش ؟؟؟
ضحى : بخير
و طلعت عنه.. أما هو دخل البيت وابتسم لكن حس بعدها ان فرحته مارح تكتمل
اجا وقت العشا وقامت سماهر تبي اتحط لهم الاكل ونفس الوقت
روعه : ابي اروح الحمام
سماهر:روحي لكن روحي الحمام اللي برا في التهويه يمكن اخواني قاعدين في
الصاله مابتقدري تعبري الى الحمام
راحت روعه الحمام وسماهر راحت عشان اتجهز العشا
و بقت صبا لوحدها.. وقعدت اتحوس بجوالها من الملل
فجأه دخل علاء المجلس يفتكر مافيه احد وراح يبي ياخد له بيبسي من الثلاجه الي
في الإرشيف
اخد البيبسي ولا انتبه لوجود احد لما كان بيطلع طفا ليت المجلس الا و يسمع صراخ
خوف
ارتهب و شغل الليت و دار وجهه..شافبنت و من الصدمه وقف لمده يطالعها
وهي مثله و يوم حست لروحها اخذت لفتها و اتغطت.. واهو حس لنفسه لما اهي
اتغطت وطلع وانتبه عشان ماحد يشوفه طالع من هناك
رجعت على طول روعه بعدين
روعه : شحلاة ديكور الحمام ايجنن حقهم
صبا : لايكون سنه قاعده تتمنظري في ديكور الحمام؟
روعه : اي والله روحي شوفيه ايجنن
صبا :غبااااااء
راح علاء لأخته سماهر
علاء : من معاش ؟
سماهر : صاحباتي
علاء : من ؟
سماهر : صاحباتي
علاء : إي من هم ؟
سماهر : ليش تسأل ؟
علاء : عشان اعرف اهلهم .. عيب اعرف اختي من تعرف؟
سماهر : بيت فلان وفلان
علاء ( ماستفدنا شي ) راح عنها ودخلت اهي المجلس
اتصلت من جوالها لأخوها ماجد
سماهر : هلا ماجد تقدر تطلع من البيت
ماجد : مانا طالع مكان
سماهر حبت تقتله غيره : عجل خلاص باخلي علاء ياخد الاكل ويوديه بيت ضحى
ماجد : ها ؟
سماهر : ضحى طلعت بدون ما تتعشى.. أبغى أحد يودي لها العشى
ماجد : خلاص جهزي الاكل الحين آخده منش
راح ماجد اخد الأكل وطلع يروح بيت ضحى
وصل لبيتهم
طلع له اخوها الصغير
فادي: نعم
ماجد : وش فيك اتكلمني من خشمك ؟
فادي : كيفي..
ماجد:هههههههه شوف هدا اعطيه الى ضحى من عند سماهر
فادي : مابعطيها اياه
راح دخل وخلا ماجد برا مستغرب ومو عارف شيسوي
اشوي إلا وبنت من ورا الباب
ضحى : من ؟
ماجد : أنا ماجد.. سماهر مطرشه لش عشى ؟
ضحى اخدته منه من ورا الباب : شكرا
ماجد : ضحى ؟
ضحى : نعم
ماجد : لو صار لي شي بتظلي معاي لو بتنقلبي ضدي ؟
ضحى : كيف ؟
ماجد : احس نهايتي قربت ما أقصد الموت لا.... احس بشي ثاني بيبعدنا كلنا
ضحى : .....
ماجد بعد ماحس بضيقها و دهشتها : لا تزعلي روحش.. انتي تدري عن نفسش
وشو بالنسبه لي.. لا تسيئي الفهم.. الأيام بتوضح
الجزء الثاني:
نادر: علاء كيف الواحد يحب؟؟
علاء: هاا؟؟
نادر: جد علاء كيف؟
علاء: لما قلبه يأمره يحب
نادر: متى يأمره؟
علاء بطفش: وانا شدراني؟؟
نادر: انزين بس سؤال.. يصير الواحد يحب وحده و هو مايعرف عنها شي كلش.. حده دق على بيتهم مره و رفعته.. ياسبحان الله ماتفارق الخيال أبد
علاء: من ذي؟؟
نادر: وش دراني.. واحد حب وحده بهالطريقه وش عرفني بهم؟
علاء: و رب الكعبه كذااب
نادر: انزين علاء.. ليش بعض الرجال مو مثل باقي الرجال؟؟ يعني معروف على الرجال الثقل و مو بسرعه يحبوا و بدون اسباب.. كيف تصير الى رجال ثانيين كأنهم أغبيه
علاء: الناس مو مثل بعضها... وانت بالذات مو مثل الناس
نادر: الحين وش دخلني أنا؟؟
علاء: لاتحاول تكذب.. من الي تحبها؟؟
نادر: فلانه
علاء مسوي روحه فاهم: امممم
نادر: وانت؟
علاء: ماحد
نادر: انزين حتى لو مو أحد قول لي أحد عشان أعرف اني مو الوحيد
علاء: طيــب.. أحب فلانه.. يعني أنت تحب فلانه واحد و انا فلانه اثنين
هز نادر راسه على مسخرة علاء: ظريف
علاء: ههههههههههههههه
اشوي وتتصل سماهر على علاء
علاء:هلا سهوره
سماهر: غناااااااتي أبو ولدك .. انت هو اخويي أكثر من ماجدوووه
علاء: مفهومه.. وش تبغي؟
سماهر: اشترلي اسكريم تكفـــى.. متوحمه على باسكن روبنز
علاء: بلا هالكلمه عيب بعدش بنيه
سماهر: انزين آسفه.. بتشتر ليي موو مابتصير دفش مثل ماجد يوم قلت له يقول ليي ماباقي الا انتين في الدنيا اتفرغ لش
علاء: مستمل اروح
سماهر: آخر كلام؟
علاء: والله مستمل .. وغير كذي قاعد مع نادر
سماهر: قلعتك انت وياه
و سكرت الخط بوجهه.. وضحك علاء
علاء: تدري وش تقول؟؟ قلعتك انت وياه...هههههههه...تعنيني وياك
نادر: وش تبغى؟؟
علاء: اسكريم من باسكن
نادر: في رجعتك خذ ليها
علاء معارض: فاضي أنا
ــــــــــــــــــــــــــــــــــــــــــــــــــ
مرام:سماهر اتصلي على بيت ابو ضحى خلي فادي يجي يلعب معاي
سماهر:انزين الحين
كلمته وقال بيجي لهم
اجا لهم فادي(جيران بيوتهم قريبه من بعض)
قعدوا في غرفه الالعاب يلعبون
فادي(اكبر من مرام بسنتين وعمره 5 سنوات):مروم قولي الى سماهر اتودينا البحر
مرام:يمكن ماترضا
فادي:شوفي كلميها يمكن ترضا
مرام:ماعليه دقيقه
مرام طلعت وراحت الى اختها سماهر وقالت لها
سماهر:ماعليه حبيبتي اسالي الماما اول ادا ترضا
استادنت من امها وطلعت سماهر مع اختها مرام وفادي
لما وصلوا :
فادي:خلاص سماهر روحي انا ابغا اقعد ويا مرام لوحدنا
سماهر:ضحكتني (ماشالله عليكم من صغركم واتحبون؟) انا بقعد بعيد عنكم اشوي بس براقبكم عشان مايصير فيكم شي او تنزلون للماي
قعدو فادي و مرام يلعبون
وسماهر اتراقبهم
فجأه نزل واحد جنبهم وبالصدفه طلع مازن ولد خالتها
اول شي ماعرفها لأنها متغطيه وبعدين عرف ان هدي هي لان اختها مرام موجوده
مازن:سماهر؟
سماهر طالعت جنبها لقت مازن:مازن؟
مازن: ايه مازن كيف حالش؟وقال باشمئزاز :وحشتيني
سماهر قامت ومن دون ماتكلمه وكانت بتمشي تاخد فادي ومرام
مازن:سماهر وقفي
سماهر وقفت وبدون ماتدور وجهها له:نعم؟
مازن:سماهر اعدريني على تصرفي البايخ اللي اتصرفته بس انا هدي عادتي مع الكل استخدمها , سماهر انا احبش والله
سماهر:وانا اكرهك
مازن:طيب وليش؟
دارت وجهها له:لاتسألني ليش حتى انا مادري عن السبب
مازن:وليش؟
سماهر:مادري..احس انه في اشياء كثيره اتخليني اكرهك
راحت عنه وراحت الى مرام و فادي واللي كانوا باجواء محبه قاعدين يلعبون بالرمل ويحطون عليه اصداف بطريقة رسم حلوه
فادي:نبي نقعد بعد اشوي
سماهر:لا حبيبي مره قانيه انا تعبانه الحين
وراحوا ووصلوا فادي بيتهم وراحوا مرام وسماهر البيت
سماهر توها دخلت البيت دخل وراها علاء
علاء:سماهر
سماهر:هلا
علاء ابتسم لها:نادر نصب علي و راح اشترا الاسكريم
سماهر: يعني انت ماشريت شي
علاء: لا هو شراه و سواه عني نيابه
سماهر: طلع صاحبك الي مايعرفني احسن منك؟؟..إكله انت ما أبغاه
علاء: المهم ان بغيتيه بيكون في الفريز
ــــــــــــــــــــــــــــــــــــــــــــــــــ
اليوم التالي كل من بيت ابو ماجد وابو مازن يستعدوا للروحه الى المزرعه
لما وصلوا على طول حطوا البنات اغراضهم في الصاله وراحو على طول للبركه
سماهر:ماما انا بروح الى الهندي بقول له يفتح الماي حق البركه
ام ماجد:تو الناس مو من الحين
سماهر:ماما احنا البنات نبي انروح عشان نستانس اكثر ادا انتو جيتو بسرعه اتقومونا
ام ماجد:روحو روحو
راحت سماهر لاقت مازن مع الهندي وابتعدت عنهم
مازن:سماهر؟
سماهر(أف):نعم
مازن:كيف حالش؟
سماهر ناظرته بوقاحه وراحت عنه بدون ماترد عليه
دخلت الصاله وقالت الى تغريد تجي تتمشا معاها في المزرعه
طلعت اهي وتغريد
وصلوا للورود
سماهر:وااااااااااااااااااااو جنان تغريدوه تعالي جنب الورود
تغريد:وفففف عمري ماشفت احد يحب الوردود قدش
سماهر:تعالي يلا
تغريد:انتي روحي وانا عطشانه بجيب ماي واكل لي واانا اتمشا
سماهر:ابي ماي جيبي لي
تغريد:اوكي
وراحت عنها وظلت سماهر جنب الورود
كانت تبي تقطع لها ورده حمرا
في نفس الوقت جا احد وقطع نفس الورده اللي كانت تبيها
رفعت راسها لقت مازن
سماهر:افففف اللهم طولك ياروح
مازن:هدي الورده الى احلى ورده اتفضلي
سماهر:حقير بجد
مازن:مو كانش صرتي تسبيني كثير وانا ساكت
سماهر:بكيفي
مازن: بدخل لأمش باكلمها في موضوع اذا تبغي تسمعيه تعالي
و راح صالة الحريم
مازن:ام ماجد
ام ماجد:نعم
سماهر كانت داخله ومن خوفها تبي تعرف مازن شنو يبي يقول لأمها لكن طلع بس يبي يخوفها
وقعد طول وقته يتكلم مع ام ماجد بكلام عادي
رن جوالها::
مازن ناظر وراه يبي يعرف هدا جوال من
سماهر حبت تقهره
سماهر:الو..........هلا ..........ليش شفيه........؟............اوك جايه الحين ......باي حبيبي
طلعت الى اخوها ماجد(اللي اهو كان متصل عليها)
سماهر:هلا ماجد
ماجد:اهلين سهوره شوفي انا جوالي مافيه رصيد ابي جوالش بدق على نادر
عطته الجوال وانتظرته لما يحلص عشان ياخد الجوال
ـــــــــــــــــــــــــــــــــــــ
في هاللحظه كان مازن يراقبها وارتاح لما عرف انها طلعت لاخوها واللي كان اهو يكلمها وقالت له حبيبي وبعدها دخل الى صاله الرجال
سامي:عمره 17 سنه واخو مازن:شرايح اتسوي في صاله الحريم؟
مازن:اترقص لهم
علاء: ((افففففف اكرهه هالمازن))
علاء يبغى يقهر مازن: سامي شرايك ياولد الخاله مدام هو اترقص للحريم نقوم احنا نترقص للرجال
سامي يضحك: قوم وش ورانا.. و إذا على تلطيخ أبوتنا لنا عادي يوم احنا صغار دوم نتلطخ
علاء: لا يابوك بنقول لهم مازن شوشنا
ـــــــــــــــــــــــــــــــــــــــــــــ
عند مكان النخل و قت الظهيره.. تحتمي عند ظل النخله و تحب تبكي هناك.. مو عن ضيق..لكن تفرغ مال سنه في يوم
جا لها من وراها علاء يخرعها
اخترعت ودارت وجهها لقت اخوها علاء
سماهر:بسم الله
علاء بحنان:ليش تبكي؟
سماهر مسحت دموعها: تدري عني احب ابكي هني بس كذا
علاء:سماهر؟
سماهر:نعم
علاء:تدكري لما عزمتي صاحباتش اخر مره في بيتنا؟كم بنت جو لش؟
سماهر:ثلاث و وحده طلعت قبل العشا
علاء:في وحده جوالها n70?
سماهر:هدي صبوه
علاء:اسمها صبا؟
سماهر:ليش؟
علاء: كذا...ههههههههههه دخلت المجلس وانا ما أدري ان فيه أحد و طلعت هالبنت هناك
سماهر: لاتقوووووول
علاء: والله
سماهر: و توك تتكلم
كان بيتكلم و قاطعه جواله
علاء:الو ...........هلا والله........اوكي انتظرك اكيد انت تدل المزرعه مافي اشكال........اي انا برا مو في صاله الرجال وبنتظرك برا لكن لاعليك من الاشجار ولا شي المهم فيه مكان كبير فيه حشيش و نخل تعال هني انتظرك ........يلا باي
سماهر:منتظر احد؟
علاء:نادر
سماهر:اها عجل باروح
و هي تمشي
علاء: أكلتي الاسكريم ؟
لفت له و ضحكت: إي كل ما فتحت الفريز أمنع روحي لكن ما أقدر.. لين بلعته
ـــــــــــــــــ
دخلت سماهر وشافت خالتها زمرد الي معرسه من اسبوعين
سماهر:اوه اوه العروس هنا اخبارش؟
زمرد:تمام وسلمت لها :يلا عقبالش
سماهر:ليش انا عله على قلوبكم؟وقعدوا يتكلمون
ندى(اخت زوج زمرد)افففففف هدا شاديوه بيجيب لي العله الخايس
زمرد بصوت عالي:اقول اخترمي حالش هدا زوجي
الكل استغرب ولان زمرد ماكانت تحبه قبل زواجهم
زمرد بخجل:شو عيب ادافع عن زوجي؟
الكل ضحك وراح بسوالف ثانيه
ـــــــــــــــــــــــــــــــــــــــــــــ
تغريد:سماهر اقول لش شي وماتزعلي؟
سماهر:قولي
تغريد:في بينش وبين اخوي مازن شي؟
سماهر:مثل شنو يعني؟
تغريد:انتي ادرى!
ساهر:لا ياماما مافي شي بيني وبينه
تغريد:سماهر اتخيلي لو جا واحد من الاهل وخطبش خل نفرض انه اخوي مازن بتوافقي
سماهر بانفعال:اكيد لا
وحست لنفسها وقالت:أأأأ مابي واحد من العائله
تغريد:ليش ؟
سماهر:بس كدا
تغريد ماحبت تستفسر اكثر وسكتت
ــــــــــــــــــــــــــــــــــــــــــــــــــ
من جهه ثانيه انضم ماجد الى علاء ونادر الي كانوا منسدحين ع الحشيش
ماجد:اوه اوه اقدر اقول جمعة عشاق؟
نادر:اي كدا
ماجد:انا معاكم عجل
قعدوا الجماعه لحد الفجر وبعدين طلعوا من المزرعه
لما طلعوا كانت الاغراص كثيره
زمرد ركبت مع زوجها وحماتها
وسيارة ابو مازن فيها ام مازن وتغريد
وسياره مازن معاه فيها سامي
وسيارة ابو ماجد فيها ام ماجد ومرام ومعاهم فادي
بقت سيارة علاء ونادر وماجد ماجا بسيارته جا مع اخوه
علاء:سماهر تعالي
سماهر:نعم بسرعه اتكلم ابوي ينتظرني
علاء:روحي قوليله انش بتركبي معاي
سماهر:اوكي
راحت ورجعت له
علاء:ماجد انت اركب سيارتي وحط الاغراض فيها وانا بركب مع نادر ومعانا سماهر
سماهر:لا انا بركب مع ماجد
علاء:عساهم يركبوش على حمار تعالي معاي
وركبت مع علاء ونادر
ونادر فرحاااااااااااااااااااااااااان للآخر وياهم بنت
ــــــــــــــــــــــــــــــــــــــــــــ
في اليوم الثاني قعدت سماهر الصبح والكل نايم ماحد قعد
وكانت جوعانه تبي فطور راحت تبي اتجهز اغراض الفطور(ليش اسوي لي؟مجودي طبخه للفطور مرره حلو)
سماهر راحت غرفه ماجد:ماجد ..مجوووووووووود......شغلت الاغاني وعلت الصوت مع انها ماتسمع اغاني
ماجد بنعس:اووووووه سماهروه طفي الاغاني
سماهر بدلع:مجودي والله جوعانه وماحد قاعد الكل نايم اقعد عااااااااد سوي لي فطور
ماجد نقز من سريره:شايفتني الشيف حقش؟
سماهر مسكت يده:تمون تمون حبيبي بس انت طبخك للفطور مرره حلوو يلا عااااد حبيبي
ماجد: الله ياخذش
ونزل معاها وراحوا للمطبخ وماجد دلعها آآآآآخر تدليع
والظهر خلاها معاه بغرفته طووول الوقت
والعصر راح ماجد غرفه اخته سماهر
ماجد:سماهر قومي انروح باسكن روبنز نفسي بآيسكريم من هناك
سماهر :حتى انا بعد يلا روح اشتري
ماجد:لا ابي اروح معاش
سماهر:ليش؟
ماجد:بناكله في المحل
سماهر: لا استحي (عندنا محل باسكن روبنز فيه كم طاوله بس ويقعدوا فيه الحريم عادي)
ماجد: بلا هبال امشي
سماهر:اوك
لبست عباتها وطلعوا وراحوا باسكن.. اكلو هناك وبعدها راحوا الكورنيش
وعند الادان رجعوا للبيت
صلوا وماجد راح برا جنب باب بيتهم
وسماهر قاعده لوحدها في البيت وقعدت اتشاهد
وامها ومرام ماكانوا في البيت راحوا بيت اهلها (اهل ام ماجد)
بعد دقايق دخل ماجد :سماهر .سماهــــــر
سماهر :نعم شفيك؟
ماجد:سماهر الحين بيجوا رجال لاتخافي طيب؟ويلا روحي لبسي عباتش
سماهر :ليش شفيه ؟
ماجد:مافي شي
وحضنها وراح على طول عشان ماتشوف دموعه
سماهر لبست عباتها وبعد ثواني دخلوا رجال اشكالهم كثير غريبه (اللحيه طويله ونظرات باين عليها الشر)
واحد من الرجال:وين غرفه اخوكي يابنت؟
سماهر:ليش؟
الرجال:جاوبي لا بهالعصا
سماهر اشرت له على غرفه اخوها
اخدوا اخوها وسحبه لكن لغرفه ثانيه كانت مفتوحه
الرجال:عطني محفظه فلوسك
ماجد عطاه المحفظه
الرجال:من وين لك كل هالفلوس
ماجد:من ابوي
الرجال ضربه كف وسماهر سمعت صوت الكف وراحت على طول الى الغرفه اللي اخدوا ماجد فيها
سماهر بخوف:ماجد من هدول ليش يسون كدا؟
الرجال:طلعي براا
ماجد:سماهر اطلعي براا
سماهر:لا مابطلع.. ليش رابطين يدك؟
ماجد:اطلعي برا.. سماهر اطلعي
طلعت وصارت تبكي والله العالم بحالها واهي الوحيده قاعده اتعاين حالة اخوها ماحد قاعد يساعدها بهالشي ماتدري وش تسوي
الرجال طلع عصا من عنده وضرب بها ماجد
وماجد كان يتألم بس ماكان يبي يقول آه عشان اخته ماتبكي اكثر لكن مااتحمل الالم وصرخ آآآآآآآآآه وباعلى صوته
وحاول انه يطلع من الغرفه عشان يروح الى اخته اللي كان صوت صياحها واصل
للغرفه وطلعوا مجموعه الرجال وراه ومسكوه يبون يدخلونه الغرفه
ماجد واهو يبكي:ياحياوين اتروكوني.. شوفوها تبكي ماعندكم قلوب؟
وسماهر تبكي لحال اخوها والرجال يجرونه للغرفه ولا كانه واحد من البشر .يجرونه مثل الحيوان
الجزء الثالث:
ماجد:الله يخليكم اتركوني
الرجال:جب.,.انت شنو تشتغل؟
ماجد:ماأشتغل
الرجال:تشتغل ببيع الرصاص للناس
ماجد:لأنكم ماوفرتوا لي شغل
الرجال:لاوالله؟...وين مفتاح غرفتك؟
ــــــــــــــــــــــــــــــــــــــــــــــــــ
في زاويه ثانيه كانت سماهر تبكي و واقف معاها شرطي
الشرطي:يابنت الحلال اخوش سوا غلط ولازم يتحاسب عليه. لو ما أخذناه بيظل الناس.. احنا ناخذهم نحرمهم من الدنيا عشان يحسوا بجمالها و يرجعوا لها لما يصيروا أحرار و يقدموا الخير مو الشر
سماهر:اخوي ماسوا شي
اخدوا اخوها وطلعوا عشان يركب معاهم سيارة الشرطه
ماجد:سماهر؟ أشر الى الرجال اللي ماسكه على جيب بنطلونه :لو سمحت في اوراق في جيبي اعطيهم اختي
الرجال طلع الاوراق وعطاهم سماهر ومعاهم مفتاح غرفة ماجد
ماجد:قولي لأهلي انهم اخدوني وبس واهم بعدين بيعرفوا السالفه
وسماهر مو متحمله اي شي وتبكي .. راحت صوبه و مسكت كتفه.
سماهر: ماجد لا مابتخلينا تكفــــــــــى
اخدوه الرجال وطلعوه برا البيت
سماهر كانت فاجعه حالها كثير ..ومالقت غير اخوها اتكلمه ..اتصلت على علاء جواله مقفل
مافي حل.. من اتدق عليه؟؟ أبوها في دوامه مايصير.. و أمها ما بتتحمل ماعندها قوه..
نادر.. مافي غير نادر ,,واتصلت على نادر
نادر:ألو
سماهر:الله يخليك نادر شوف اخوي ماجد - - - وصارت تبكي اكثر
نادر بخوف:شصاير؟
سماهر:اخدوا الشرطه اخوي
نادر:شمسوي؟
سماهر:مادري مادري مااقدر اتكلم الحين الله يخليك انت رجال وتقدر تتصرف لازم تتصرف
نادر: انا جاي
ـــــــــــــــــــــــــــــــــــــــــــــ
سكرت من نادر وبعد ثواني جو اهلها
دخلت مرام واهي تنادي بفرح:ماجد ماجد
ولما سمعت سماهر اسم اخوها صارت تبكي اكثر واكثر
سماهر بكلام وصوت يقطع القلب:يمه ماجد تركنا وراح
ام ماجد بخوف:بسم الله عليكم وش صاير؟
سماهر اكتفت بالنياح اللي يقطع القلب
ام ماجد:سماهر اتكلمي وش صاير؟وش صار بغيابي من البيت اتكلمي
سماهر:اخدوه يما اخدوه،بيبعدوني عن ماجد يمه
الجده:وش اتقولي يابنتي صلي على محمد اتعودي من ابليس
سماهر:جت الشرطه واخدته
الكل انصدم وقتها
ام ماجد:ليش ؟
قعدت ام ماجد ع الارض:آآه ياولدي وش مسوي؟
سماهر:خلاص خلااااااص
وراحت لغرفتها تبكي
أم ماجد ظلت تبكي وبدون ماتفهم اي شي واتصلت على علاء مايرد على الجوال
واتصلت على نادر جواله مقفل
من بعدها دخلوا البيت علاء ونادر
علاء بتعب وحزن:وين سماهر.؟
ام ماجد:وش تسأل عن سماهر؟اسال عن ولدي ماجد ،وش صاير اتكلم
علاء:....
نادر اتدخل وقتها:علاء قلب الام هدا قول لها
علاء قال لأمه وجدته كل السالفه لكن باعد مرام وعطاها الى نادر
ام ماجد:آآآآآآآه عليك يا ماجد ليش كدا؟مو ناقصنا احنا فلوس... عندنا خيرات ونعمه... ليش اتسوي كدا في حالك
اتأثرت الجده وراحت دخلت الى غرفتها وصارت تبكي
مرام:نادر وش فيه ماجد؟ليش سماهر اول ماجينا كانت تبكي؟
نادر:اخوش ماجد راح سافر لاتخافي عليه ...
لكنه اتدكر سماهر..كان نادر عند الدرج و وقتها ركب علاء الدرج عشان يبي يروح غرفة سماهر يواسيها لكن كانت سماهر بتنزل
حضنها علاء وصار يتكلم معاها على الدرج
ونادر تحت ويسمع الكلام.. ترك مرام و انسحب
الجده في غرفتها اتطالع صور ماجد لما كان صغير واهو كبير وتبكي عليه
وعلاء ترك سماهر و راح غرفته انسدح ع السرير بضيقة صدر خصوصا ان ماجد بالنسبه له اكثر من اخو
و ام ماجد تقرا قرآن وبنحيب في غرفتها عشان ولدها
و مرام كانت مو حاسه بشي لانها افتكرت انه مسافر على ماقال لها نادر
وسماهر بغرفتها تبكي بحال يقطع القلب
اخدت صوره اخوها ماجد وحضنتها (شقول الى ضحى يا ماجد؟ حرام عليك يا ماجد تبعدنا عن بعضنا والله حرام
لقت اتصال في جوالها لقته من ضحى
تركته ماحبت تزيد عيها هموم
لكن رجعت مره ثانيه واتصلت
سماهر:ألو
ضحى:هلا والله كان لارديتي(توها من بعد مااتكلمت استوعبت ان سماهر صوتها متغير كثير)سماهر وش فيش باين عليش كنتي اتصيحي؟
سماهر: (شقول لش اقول لش اخدوا منش حبيبش؟)بس تعبانه اشوي
ضحى:كدبيها على غيري ،امانه قولي شفيش؟
سماهر:الشرطه اخدت ماجد
ضحى شهقت:لا.... قولي انش تمزحي سماهر الله يخليش
سماهر واهي اتصيح:والله ماأمزح اهو كان داري انه بينسجن تدكرين كلامه اللي كان يقوله لي ؟الغالي راح ياضحى
سكرت سماهر السماعه ومااتحملت وصارت تبكي اكثر مع انها ماوقفت الصياح ابدا
ــــــــــــــــــــــــــــــــــــــــــــــــــ
ظلت ضحى تبكي وكانت امها تسمع من غرفة ضحى اصياح وراحت اتشوف شصاير
ام ضحى:ضحى وش فيش غناتي؟
قامت ضحى وحضنت امها
ضحى:اماه راح ماجد وتركني
ام ضحى استغربت من بنتها:اي ماجد؟
ضحى:اخو سماهر
ام ضحى استغربت ليش بنتها تبكي عشانهضد الحب
ام ضحى:ليش وش صاير؟
ضحى:راح السجن وتركني انا من لي غيره عشان يروح عني يمه ليش ليش
امها حاولت اتخليها اتنام لين مانامت و بعدين طلعت وبراسها علامات استفهام لاتعد
ــــــــــــــــــــــــــــــــــــــــــــــــــ
في بيت ابو ماجد سماهر نامت بدون ماتحس لنفسها ومره وحده نقزت من ع السرير
((شلون عيوني اتشوف النوم وانت غايب عني؟))ورجعت تبكي
دق جوالها لقت الاتصال من نادر
فرحت اشوي وكانت بحاجه انها اتكلمه لأنها تبي تعرف اي شي عن اخوها
لقت الساعه 2 ونص في الليل
سماهر:الو
نادر:كيف حالش سماهر؟
سماهر بدون ماتحس لحالها انها بدت تتكلم مع نادر:تسأل عن حالي؟شنو بيكون حالي بغياب اخوي وشخص غالي على قلبي ؟
نادر:طولي بالش سماهر،يالغاليه روحي نامي وارتاحي
سماهر سمعت كلمة يالغاليه لكن مافصلتها:انا كنت نايمه لكن رجعت قعدت ،ماأقدر انام ابي اخوي ماجد
نادر:سماهر الله يخليش انا ماجاني النوم الا اول اتطمن عليش وكاني اتطمنت عليش الله يخليش روحي نامي ،يلا سماهر امانه سكري الخط على طول وروحي نامي
سماهر:طيب
نادر:يلا باي
ـــــــــــــــــــــــــــــــــــــــــــــ
سماهر سكرت الخط ونامت
اليوم الثاني صحت لقت ابوها جنبها قامت على طول وحضنته
قعد معاها اشوي وبعدين طلع
كانت بتقوم تبي تسبح لكن لقت صوت نغمة الرسائل في جوالها
((صباح الخير ..اخبارش سماهر ان شالله تمام؟حبيت بس اصبح عليش واتمنى اني
ماأزعجتش.
مع السلامه وانتبهي لنفسش
نادر))
اتساءلت سماهر وقالت لازم ارد عليه
جت بتكتب الرساله
لالا لازم استأدن من علاء اول
نزلت الطابق الاول
اول مانزلت شافتها جدتها
سلمت عليها
الجده:الله يرجعه بالسلامه لش ولينا يارب
سماهر: يارب الله يسمع منش
وناظروها امها وابوها بنظرات شفقه
قام لها اخوها علاء وحضنها
علاء:بيرجع بيرجع
وكان بيروح عنها لانها كانت دمعته بتخونه وتنزل
سماهر مسكت يده
سماهر:تعال معاي ابيك لحظه
ابتعدت معاه اشوي
سماهر:نادر راسل لي رساله يتطمن فيها بس ع الحال ارد عليه او لا؟
علاء بابتسامه خافته:ردي عليه
راحت لغرفتها بسرعه ومسكت جوالها ورسلت
((انا بخير الحمد لله يا نادر ،نادر سامحنا والله ازعجناك كثير معانا وانت والله والنعم فيك نعم الاخ والصديق لاخواني الله يوفقك يارب ،مشكور نادر على اهتمامك الملحوظ
سماهر))
رسلت الرساله واول ماقراها نادر صحيح انه كان متضايق عشان صديق العمر لكنه
فرح لأن سماهر ردت عليه
ــــــــــــــــــــــــــــــــــــــــــــ
في الاسبوع الثاني الكل صار يتصل يكلم سماهر ويهون عليها
وحتى ضحى صارت اتشاركها نفس الحزن وكل وحده اتواسي الثانيه
لكن مره دق تلفون البيت
سماهر:الو
،،،،،:هلا سماهر
سماهر:مازن؟
مازن:اي مازن سماهر ادري اسلوبي كان مزعج معاش طول الايام سامحيني
سماهر:امي اتناديني باي
سكرت السماعه (اوف هدا كل ماابتعدا عنه عود اتقرب)
راحت من بعدها تسبح ورجعت لغرفتها ودخلت لها أمها وكالعاده سماهر تلبس اسود من يوم راح اخوها
ام ماجد:سماهر خلاص عاد اخوش عايش مو ميت عشان تلبسي اسود ارأفي اشوي بحالي انا أم و ماأتحمل
سماهر صارت تبكي:طيب
سماهر راحت اتبدل ملابسها (ياماجد غصب علي افصخ الاسود لكن امي ولا اقدر ارفض لها هالشي)(ياترى كيف حالك الحين؟شنو قاعد اتسوي؟بشنو اتفكر ياماجد؟)
بدلت ملابسها واتدكرت الرسائل اللي من عن اخوها ماجد لما اخدوه الشرطه
راحت سماهر على طول فتحت الدرج وأخدت الاوراق
كانت تتوقعه رح يكون شي مهم لكن بس كان كاتب انه يبيها تدخل غرفته واتطلع
الصور وكل الدكريات وتاخدهم لعندها
والورقه الثانيه الى ضحى
سماهر حبت تتصل وتتطمن على حاله
،،،،،،:ألو
سماهر:الو السلام عليكم
،،،،،،:وعليكم السلام
سماهر:لو سمحت مو هدا جوال ماجد؟
،،،،،،،:لحظه الحين اعطيكي اياه
رد عليها اخوها ماجد وباين عليه التعب
ماجد:ألو
سماهر واهي تبكي:ماجد؟نسيتنا ماجد خلاص؟
ماجد:انساكم ؟مستحيل سماهر مستحيل... لكن والله في هالوقت مانعيننا من الاتصالات حتى هدا اللي رد مو انا من البدايه
سماهر:ماجد انت تعبان كثير
ماجد يكذب:سماهر انا مرتاح.. مو متعبني غير التحقيق.. طول الوقت تحقيق
سماهر:رح ترجع لنا ان شالله
ماجد:اخبار ضحى؟
سماهر:ضحى؟تسالني عنها؟ضحى متعدبه،تصدق اهلها دروا ان بينكم قصه حب؟
ماجد:جد؟
سماهر:والله،لكن لاتخاف ماقالوا لها شي
ماجد:سلمي عليها واعتدري لها ع اللي سويته واني رح افترق عنها وقوليلها ادا تبي تعيش حياتها بدوني اهي حره
سماهر: هي مستحيل تنساك واتفرط فيك ،حط هالشي ببالك
اجا صوت من عند ماجد
_ ماجد يلا قوم مع الرجال
ماجد:سماهر باسكر الحين
سماهر:شصاير شيبي؟
ماجد:انا قاعد احفظ القرآن عشان يخففوا مده الحكم علي
سماهر:الحمد لله
سكرت من عنده وحست براحه لأنها كلمت اخوها وثاني شي انه راح يتخفف عليه الحكم
ــــــــــــــــــــــــــــــــــــــــــــــــــ
مرت اشهر وقرب النصف من شهر رمضان
ـــــــــــــــــــــــــ
علاء:سماهر
سماهر:نعم
علاء:يلا انروح السوق عشان تشتري لش شي حق بعد بكره
سماهر:وامي و مرام وينهم؟
علاء:اهم راحوا مجمع الراشد وانتي باخدش مجمع الخنيزي
سماهر:اوك بلبس عباتي وباجي
ــــــــــــــــــــــــــــــــــــــــــــــــــ
في مجمع الخنيزي
كانت سماهر بالطابق الثاني وكات داخله مكان ولما طلعت منه لقت علاء الي طلع عنها برا المحل.. يطالع في الطابق الارضي ويبتسم و طريقته و هو يناظر و منحني تحت كأنه جاهل
سماهر:الحمد لله اولشكر لمن حظرتك تبتسم؟
علاء:نادر
سماهر:وينه؟
علاء:تحت
طالعت ولقته لكن كانت في بنت تتجه له وكانها كانت تمشي معاه
سماهر:مو نادر وحيد ماعنده لاخوات ولا اخوان؟
علاء حب يختبرها:هدي وحده من اهله لكن محجوزه له وعشان كدا عادي تطلع معاه
ساهر:اهااا؟
علاء:امزح..هدي عمته ... صغيره يمكن قدش
علاء:انزين انتي قعدي الحين وخل بعد تتعرفي على عمة نادر وانا بروح اقعد ويا نادر
سماهر:استحي
علاء:اقول روحي طسي وباقول الى نادر ايخيليها اتجي لش الحين
راحت قعدت ع الكراسي اللي هناك
ودق جوالها
علاء:هلا وينش؟
سماهر:الطابق الارضي عا لكراسي يصير ع يمين كون زون
علاء:اها اوك جايتش عمته الحين
سكرت من عند علاء وسمعت من وراها
،،،،،،:سماهر؟
سماهر دارت لقت مازن
سماهر (اففففف شهالغثه دوم الاقيه؟)نعم؟شلون عرفتني هالمره بعد؟
مازن:صوتش
سماهر:امر
مازن:قومي معاي
سماهر:نعم؟انا اقوم معاك ؟وليش؟
مازن:انا مازن
سماهر:وخير يعني لو كنت مازن؟
راح عنها
سماهرشافت وحده قدامها اتطالعها
سماهر:هلا انتي عمة نادر؟
_:اي انا
سماهر:هلا والله
_: ماتعرفنا عا لاسم؟
سماهر:اسمي سماهر، وانتي؟
_:انا ليال
سماهر:عاشت الاسامي
ليال:عاشت ايامش ، من هدا اللي كلمتيه من اشوي؟
سماهر:ولد خالتي
ليال:شيبي؟
سماهر:واحد حقير خل يولي
وصاروا يتكلمون لين ماخلصوا نادر وعلاء من السوالف وراحوا لهم
نادر:هلا سماهر كيف الحال؟
سماهر:هلا نادر الله يحييك
نادر:يلا ليال مشينا
ليال:يلا.. ايه صح اي وقت اقدر اتصل عليش(تم التعارف بكل شي)
سماهر:على راحتش اي وقت
ليال:باي
سماهر:باي
نادر حب يخلي سماهر اتغار عليه او بالاحرى يكتشف ان كانت تحبه او لا راح مسك يد ليال عمته بطريقه رومنسيه(اهو اكبر من عمته)
اما سماهر ولا جابت خبر الى نادر
سماهر:يلا علاء انا بروح اشتري ايس كريم من كون زون ....يلا ليال باي
نادر بداخله((اففففففف مافي فايده؟))
علاء:يلا نادر باي
ــــــــــــــــــــــــــــــــــــــــــــــــــ
اجا يوم الناصفه ( بمسمى ثاني كريكشون.. او قرقيعان)))... يوم يبعث ع الطمأنينه في توابع القطيف
سماهر لبست الجديد من الثياب والاكسسوارات وريحه العطر ماليه غرفتها وثيابها
دخل علاء لها في غرفتها
علاء:اوه اوه شهالحلاة؟سماهر لو انتي مو اختي كان خطبتش لي
سماهر :يحق لك طبعا
علاء يغمز لها:اللي من نصيبش يتهنا
سماهر نزلت الطابق الارضي وراحت اتبوس راس امها وابوها
ام ماجد وابو ماجد ارتاحوا لما شافوا سماهر مروحه اشوي عن حالها و من بعد ماراح عنهم ماجد
سماهر راحت دقت على عمة نادر وباركت لها بالليه
ليال:ماتبي اتوصلين تباريك لأحد؟
سماهر:من؟
ليال:يعني...،يمكن نادر شي
سماهر:لالا...بااااااااااااي
يرن تلفون البيت وترفعه سماهر
سماهر:الو
ضحى:انا عند الباب يلا
دخلت ضحى وقعدت اشوي مع سماهر
ومن بعدها جوا صبا و روعه
روعه من اول مادخلت كانت ميته ضحك
اما صبا كانت منحرجه
سماهر:انا ادري ان الواحد اول مايدخل يقول السلام مايقول هههه
روعه:هههههههههههههه
ضحى:ضحكينا معاش
صبا:ماعليكم منها... روعوه ان قلتي شي بدبحش
روعه:هههههههههههه آآآآآآآه اتعبت من الضحك
سماهر اتدز ضحى باصطناع غباء:ضحووي مو كانها استجنت البنت؟
صبا:روعوه الشرهه مو عليش الشره علي انا اني جيت وياش
روعه خفت ضحك وراحوا قعدوا ع الكنب
روعه:اقول لكم نكته؟
صبا:روعه في دمتش اتقولي شي
روعه:ويي اسم الله على دمتي فاضيه مافيها شي
ضحى:قولي قولي
صبا سكتت وصاروا ضحى وسماهر يسمعوا روعه
روعه:يلا بقول لكم،صبا واحنا نمشي من بعيد قبل لانصير جنب بيتكم مره مره شفنا اخوش قاعد جنب الباب يعني مابنقدر ندخل..المهم انا اتحديتها اتكلمه وتساله ادا انتي هنا او طلعتي عناا و مره وحده يقوم ويخلينا نعبر
اهي سوت حالها (ابضايه) وراحت تساله: لو سمحت سماهر داخل ،قال لها اي اتفضلي اهي قاعده في المجلس
انا كنت دايره اطالع الناس اللي اتناصف وبدون شعور قلت لها صبا شوفي وراش الالعاب الناريه حلوه موووت
اهو من سمع اسمها اتغيرت الوانه المسكييييين مادري ليش
سماهر:اتصدقي المني بطني بجد نكته حلووه،مافي شي يضحك
روعه:لاتقاطعيني واسمعي انتي
روعه:جينا بنركب الدرجه اللي اتكون عند باب بيتكم الا وانعال صبوه ينفصخ ،و وين يصيييييييير؟جنب اخوش
ضحى:الحمد لله والشكر مالها داعي
روعه:ماشفتي اموقف بعينش انتي
صبا:سماهر يلا انقوم نطلع
سماهر:لالالا انا كبرت ع الناصفه
روعه:ياخبله بنتمشا مابنناصف
سماهر:اوك دقايق البس عباتي
ـــــــــــــــــــــــــــــــــــــــــــــــــ
طلعوا سماهر وصاحباتها
سماهر:علاء انا يمكن مااجي الا بعد العشر اوك؟
علاء:اوك انتبهي لحالش
سماهر:من عيوني
ناداها نادر:سماهر
سماهر حست قلبها يدق بقوه لما ناداها
سماهر:نعم
نادر:متباركه بالليله
سماهر:الله يبارك فيك
وكانت بتروح
نادر:سماهر
سماهر:امر
نادر:مافي لي متبارك بالليله؟
سماهر:متبارك بالليله و عايد عليه
وراحت على طول مع البنات
من اول ماطلعت كان في سيارة طول الوقت تلحقهم
لكن ماحد خاف منهم لانهم يدروا ان سماهر قويه وبتوريهم شغل الله الى حد ماصار بجنبهم ورمى الرقم
تجاهلوه بالبدايه
سماهر بخفه:حقير
ورجع مره ثانيه
،،،،،:انا يبي لي اشتري لي شريحه جديده واعطيكم اياها الظاهر ماعندكم
سماهر:والله مو محتاجين لك و روح بدال فرارك بالشوارع ... ويا هاللحيه ماعندك فلوس تعطيها الحلاق؟؟
راح وقتها من الفشله ولا رجع
صبا:عفيــــــــه عليش زين اتسوي
صبا و ضحى راحوا بيوتهم ماعدا روعه وسماهر بقوا نص ساعه اكثر
روعه:سماهر باقول لش حاجه
سماهر:قولي
روعه:اهي عن الحب
سماهر:هم قولي
روعه:انا صايره هالايام دوم اروح السوق،صرت اروح محل هناك دائما لأن الملابس الي هناك كثير حلوين ،و مره على مره عرفني راعي المحل كل مارحت..عرف شكل عباتي و طريقه نقابي وكدا يعني ..مره قعد يكلم واحد ويقول له هاك رقمي وملاه الرقم اكثر من مره ع الجوال واحسه كان قاصدني انا مو هو ،بس المهم مهما يكن حبيته
سماهر:لو كان اهو متصل اكيد اللي كان بيكلمه بيعرف انه هدا رقمه ولو اهو الولد اتصل على اللي حبيتيه مؤكد يعرف رقمه،يعني افهميها لش ...بس انتي لاتجيبي خبره وانا اقول مافي حب يبدا كدا وانتي انتظري وشوفي شوو بيصير
ـــــــــــــــــــــــــــــــــــــ
تدكرون سامي؟(اهو اخ مازن)(عمره 17 سنه)(اهو له علاقه مثل العلاقه الاخويه مع سماهر)
اتصلت عليه سماهر واهو مع الشباب،ابتعد عنهم اشوي وكلمها
سامي:حيا الله اللي نسونا
سماهر:شدعوه ؟اخبارك؟
سامي:تمام الحمد لله
سماهر:ياحظك عيد ميلادك في يوم الناصفه حلووو
سامي:قصدش ينعل هالحظ التعييس الكل مستانس بالمولد ويبارك لي بالمولد لكن مايباركون لي بعيد ميلادي
سماهر:خخخخ متبارك بالمولد اولا وعايد عليه وثانيا الف مبرووك وعقبال الف سنه من قدك صار عمرك 18 سنه
سامي:تسلمي والله انا الحين بطلع مع الشباب بسياراتنا واانا حدي مستانس احس انه وعمري 18 بتصير لي اشياء حلوه احم احم
سماهر:هههه فهمتك
سامي:باي باي الشباب معصبين
راح سامي الى الشباب وكل اثنين في سياره وصاروا يتمشوا
سامي قعد يسوق السياره
وكان مازن يدق عليه وقعد سامي واهو يسوق يدور جواله
و صاحبه الي معاه شابك النت في جواله يعني ماحد منتبه لشي
رفع صاحب سامي راسه:سامي انتبـــــه لاتموتنا
الجزء الرابع:
ام مازن:مازن وين اخوك سامي من زمان ادق عليه مايرد علي؟ماتدري عنه؟
مازن:مادري عنه وانا بعد دقيت عليه اكثر من مره ابي سيارتي لأنه طلع بها
ابو مازن:وانت ماتهمك غير مصالحك
مازن:يعني وش اسوي؟ شرايك بعد اقول له خد السياره حلال عليك مابيها؟والله حاله هالبيت
ام مازن:مازن عيب اترد على ابوك كدا
ابو مازن:والله مادري شفيه هالولد متغير..ماكنت كدا ابد ياولدي شاللي قلبك
مازن:ولا شي
في هالوقت يرن التلفون
ابو مازن:الو؟...........وعليكم السلام.........اي نعم............لاحول ولا قوه الا بالله.....اي مستشفى.........طيب مسافة الطريق .....مع السلامه
مازن:شصاير؟
ام مازن:رد ابو مازن شصاير؟
ابو مازن:مازن تعال معاي انروح المستشفى اخوك مسوي حادث
طلعوا ابو مازن و مازن وبقت ام مازن بصدمتها
ــــــــــــــــــــــــــــــــــــ
في مستشفى المواساة:
ابو مازن:السلام عليكم
الدكتور:وعليكم السلام
ابو مازن:خير دكتور شصاير؟
الدكتور:خير ان شالله،اهو صابه مجرد كسور خفيفه سوينا له جبس والحمد لله
مازن:و سيارتي؟
ابو مازن:مو هامك الا السياره انت؟اسكت
مازن:يعني بالله عليك انت يادكتور داق علينا بس عشان هالكلمتين؟
الدكتور: عشان تاخذوه و تنتبهوا له
ابو مازن يناظر ولده بعصبيه ويرجع نظراته للدكتور:مشكور اخوي ماتقصر والله
ــــــــــــــــــــــــــــــــــــــــــ
سماهر دخلت البيت وراحت الى غرفه اخوها ماجد عشان تاخد الاغراض اللي وصاها بها
راحت الى غرفته واهي جايتها لهفه اتشوف الصور
فتحت الالبوم
أول صوره شافتها صوره جماعيه... ماجد و علاء و نادر الي شاق حلقه من الوناسه
الي بعدهم صور خاصه في ماجد.. مرات في استيديو كادو.. أو محمد شبيب.. أو الوليد .. أو غيرهم ماعرفت رموزهم..او انهم يكونوا عاديين في الشارع او البيت و كذا... آخر الألبوم شافت صوره لعلاء وهو صغير معاه بنت
حست الوجه مألوف عندها.. اتخيلته كان يحبها في صغره و ضحكت عليه.. والي أكد لها هالشي انه كان ماسك ايدها
علاء دخل من برا البيت واهو يصارخ :سماهر...سماهر؟
سماهر نزلت خايفه من الطابق الثاني:بسم الله شصاير؟
علاء:ولا شي بس حبيت اتطمن على اختي!عيب؟
سماهر هزت راسها:الحمد لله والشكر
علاء:آآآآه فديتها
سماهر:من؟
علاء:وحده
سماهر: انزين ان ماعرفتها بكره
ــــــــــــــــــــــــــــــــــــــــــــــــــ
ماجد في السجن:افف تعبان
صادق(واحد معاه بالسجن):والله ياخوك كلنا تعبانين
ماجد:بس مو قدي ياصادق انافقدت ناس كثار كثار
باقر يغمز له:ومن فيهم؟
ماجد يضحك بسخريه:هههههه ظريف حدك
صادق حب يلطف الجو بالمزح:والله ادا مافيهم مني مناك قول
ماجد: اختي وامي وابوي واخوي اممم يعني باختصار العائله الكريمه،وصاحبي ورفيق دنيتي و بعض الناس
صادق: كح كح قلنا يا باقر فيه مني مناك
ماجد رما على صادق غرشه الماي:وتاليتها معاك
صادق:والله امزح معاك والله من زمان مانطقت بحرف واحد حبينا نلطف الجو
وبعد فتره من الصمت
صادق:شو حراااااام؟
ماجد:بالعكس حلاال ههههاي ظرافتكم كلها عباطه
باقر:احم احم اكيد ولوو
صادق:اقول فيكم خير قوموا اتسحروا بس
باقر:ننتظر الشغاله اتجيب الأكل
صادق:الاخ فاكر حاله في بيتهم الشغالات متلايمين عليه يسألونه شيبي
باقر:والله كاهي الشغاله واقفه تنتظر
صادق:ياشيخ عيدها مره ثانيه؟
باقر:بس انت بتصير مثل السواق تقريبا يعني مانقدر انقول شغاله الى مذكر وييييييو،يلا اشوف روح جيب لنا سحور زي الناس و معاه بايسن يلا اتحرك
صادق عجبته اللعبه:وهدا نفر ثاني وش يبغا مسكين مايإرف يقول وش يبغى
ماجد:يلا اتحرك لا اتوطا ببطنك بس
صادق: هههههههه امرك سيدي
راح صادق و رجع :شباب باقول لكم خبر ،ترا مافيه الا تونه
ماجد:إنا لله
باقر:مافي اندومي على الاقل
ماجد:وجهك انت تاكل بعد اندومي
باقر:احسن لي من اكل التونه
ماجد:امرنا لله
صادق:وادا ماعليكم امر استبدلو البايسن بالماي ترا احسن
باقر:روح شوف شغلك
ــــــــــــــــــــــــــــــــــــــــــــــــــ
اليوم الثاني في بيت ابو ماجد
الساعه 2 ونص الظهر
سماهر:هاااااي علاء
علاء بصوت بنوتي:هايات سماهر
سماهر:ادخل لو ممنوع؟
علاء:يعني مو شايفتني سرحاااااااان
سماهر:طالعين عجل
علاء:لالا تعالي شتبي؟
سماهر:علاء اتصدق عاد الرومنسيه ماتناسب عليك
علاء:خليتها لش ،اصلا انا رومنسي اكثر من اي مخلوق احم احم ......الا تعالي وش دخل الرومنسيه اصلا الحين؟
سماهر:اممممم شوف هالصورتين لك
علاء:هدا انا؟شحلاتي
سماهر:وع اصلا اتلوع الجبد
علاء:الا اقول من هدي البنيه اللي معاي؟
سماهر:اسال حالك
علاء:مااعرفها والله
سماهر:صبا......
سكتت شوي:صاحبتي
ـــــــــــــــــــــــــــــــــــــــــــ
في بيت ابو مازن:
ام مازن تصحي مازن:مازن قوم بسك نوم ،وش فايده الصيام وانت طول عصريتك نايم؟
مازن واهو مغمض عيونه:عباده يما عباده
تدخل سامي:قوم بس قوم بسك نوم
مازن قام من على سريره واتجه الى سامي:انت بالدات تنطم احسن لك فاهم؟والله لو ماإني صايم سبيتك ولعنتك ولا كأنك اخوي
ام مازن:ياولدي وش مسوي لك هو الحين؟استغفر ربك بس
مازن:لا والله؟اللي سواه كسر لمبات سيارتي ،اصلا انا مجرد السياره يصير فيها شي بسيط خلاص مابيها
سامي:كل هدا وعشان اللمبات اللي قدام ؟
مازن:ولو
طلع مازن ومن بعدها انقهرت ام مازن وطلعت
سامي بسخريه(ولوو...،اقلب وجهك زين)
ــــــــــــــــــــــــــــــــــــــــــــــــــ
في بيت ابو ماجد:
ع
منتديات مملكة الفرات 
منتديات مملكة الفرات 
