ني إذا حبيت أحبك من ضمير
روحي شمعة ليل تضوي من تحب
واذا اكرهك الله يستر من وراي
وظلت بكيفك تكمل تنسحب
تريد تعشق راح تلقاني ملاك
وحظن دافي وورد وألوان وعشب
وأنت إذا رايد لعب لعب
أهلا” تعال هاي سهله حتى ما بيهه تعب
تريدني أسهل سهل وياي صير
تريد تصعب راح تلقاني صعب
تريد من عندي عشق اعطي حنان
تريد من عندي ذهب اعطي ذهب
تريد من عندي وصل اعطي وفاك
تريد من عندي كذب تاخذ كذب
ولأن واحد قلبي واحد يبقى فيه
اني ما عندي حبيبين بقلب
اني مثل النار تنطيهه تزيد
منها تاخذ راح من يمك تشب
اخوكم
مايسترو عراقيعيني إذا ما بيك تمليهه حنان
راح من تروح لجلك ما تصب
وباب قلبي إذا ما تحنيه بإيديك
لو كسرت الباب ما تقدر تطب
تريد تكسرني صعب
لين أصير
تريد تعصرني
تلاقيني صلب
بكيفك اني شلون ما تريدني اصير
جاهز اني ومنتظر عند الطلب
الخشب نفسه تريد تصنع بيه خراب
تريد كرسي ملك تصنع بالخشب
اني طبعي مع العشق
نخله والارض
اذا ماكو الماي ما تنطي رطب
و ابد لا تستغرب الحب لو عذاب
هي رحمه ولابسه ثوب الغضب
الحب جرح اذا نداويه نحتويه
و لجرح اذا نتركه يلتهب
بالعشق كلشي اكو كلشي يصير
لا تستغرب لجل لتحبه تموت
بالعشق ماكو عجب بس العجب
ناس ماتت لجل لتحبه يعيش
وناس عاشت لجل لتحبه يحب
بيوت عمرت بالعشق صارت قصور
وبالعشق نفسه الف بيت انخرب
مو اي حب يستمر يعني صحيح
ومو اي حب ينتهي يعني نصب
اكو حب ينتهي بس ذكراه يعيش
واكو حب يستمر بس اسمه انشطب
منتديات مملكة الفرات 
منتديات مملكة الفرات 
