معك ضـاع الكلام .. وماتــت أحلامـي

نشف دم العتاب وجف ريق اللوم !!
.................... معك ضـاع الكلام .. وماتــت أحلامـي !

شو اللي ممكن أقوله وأنا مصـدومه .!!!
.................. بعــد ما مــات أجمــل حلــم .. قـدامـي ..!

على كثر الحزن ما مرني في يـوم
................. مثـــل حزنــي على .. حقيقـــة أوهــامـي

أنا ماني هنا !! يا طعنـة المقسـوم
.................. على الكرســـي بقايـــا حــزن متــرامـي !

جروحي ظلم وإحساسي معك مظلوم
................. وصمتــــي سالفــة جرحــي عــن آلامــي

من عيونك عرفت إن الوفا معـدوم
................ ومن عيونـــي يا موطـن جرحــي الدامـي

عرفت تطيح لكن ما عرفـت تقـوم
................. وأنــا ما همنـي شو أسفـــل أقدامــي !

معك ولا بدونك .. ماني بمحـروم
................. ولكنــــك بدونــي .. جايــــع وضامــي ..!!

خذ الباب بطريقك .. وتحيـا ودوم
................ على شــان الشعـــر والبــــوح .. وإلهامـي

أحاسيسي تبي بعدك وأنـا ملـزوم
.................. أوازي فعلـــي .. بتفكيــــــري السـامـــي

أنا أكثر شخص يشبه شعره المنظوم
................. سنواتــــي ورق .. وإحساســي أقــلامـــي

من أيامي كفاك اللي مضى .. واليوم
..................... نويت الحق على الباقـــي من أيامــي !

معك ضـاع الكلام .. وماتــت أحلامـي موجود في : منتديات مملكة الفرات

توقيعجامعة الكل