إسـتجـواب
الوصـف فـن يْـليـق بام الـوصـايف
هيّا معي نسـتجوب الوصف هـيّا
من نحـرها لى خـصـرها للـردايـف
ما تمـنعـك شـيمة عـرب أو حميّا
إلى اقبلت في الحفـل والجـو كايف
وتـقـول : من قـدّي يجـيني هنيّـا
ضابط على الأفراد يعـطي وضايف
ياعـسـكـري ثـابـت تهـيّـا .. تهـيّا
ورموشها حـد السـيوف الرهـايف
مقـرونة الحاجـب وطـلقـة محـيّـا
وجديـلها ياقـلب ويش انت شـايف
لـيـل ٍ يـزيـد اللـي غـيا فـيـه غـيّـا
وخـدودها بين الهـدب والشـفايـف
مثـل السـحب بين الثرى والثـريّا
صحيح يمكن وصف الاشواق زايف
لكن قـلـبـي لـو عـذلـتـوه .. عـيّـا
وانا على المقفي ما ازيد الحسايف
منتديات مملكة الفرات 
منتديات مملكة الفرات 
