شوربة البطاطس بالكريمة

البطاطس من الخضراوات اللي متوافرة جدا وسعرها بسيط، علشان كده النهارده
هنعمل مع بعض شوربة البطاطس بالكريمة على طريقة "سفرة دايمة".

شوربة البطاطس بالكريمة

المقادير:

4 ثمرة بطاطس

2 بصلة خضراء مقطعة لقطع صغيرة

1½ كوب جبنة شيدر مبشورة

2 ملعقة كبيرة ساور كريم

3 ملاعق كبيرة دقيق

3 ملاعق كبيرة زبدة

4 كوب لبن

ملح وفلفل

الطريقة:

1- قطعي البطاطس مكعبات متساوية واسلقيها نص تسوية، وبعدين سيّحي
الزبدة على النار وضيفي عليها الدقيق وقلّبيه على النار لمدة دقيقة.

2- هدّي النار وضيفي اللبن على الزبدة والدقيق بالتدريج مع التقليب
لحد ما يتقل شوية ويبدأ يغلي، وبعد كده ضيفي البطاطس والبصل الأخضر
والجبنة والملح والفلفل، وسيبيهم على النار لحد ما الخليط يغلي شوية.

3- ضيفي الساور كريم والمزيد من اللبن إذا احتاجت، مع العلم أنها تقدم
خفيفة إلى حد ما، كده بتكون الشوربة جاهزة للتقديم.. وبالهنا والشفا.

شوربة البطاطس بالكريمة موجود في : منتديات مملكة الفرات

توقيعجامعة الكل