فديت عين من جاوب الصوت لبيه
يفرح شعوري كل ماجيت ابدعيه
غنت لي الدنيا بحب وتهاني
فديت عين من جاوب الصوت لبيه
وفديت قلبه يوم صوته دعاني
صوته هديل الورق محلا حكاويه
وانا انطرب لامن سمعته حكاني
كل الاغاني عزفها عذب اغانيه
مالوم محمد يوم غنى الأماني
انا على شط حبه وراسيه
قربه شراع وطاري اسمه مواني
كلي على شانه وكلي فداويه
اللي له اضلوع الغلا والمحاني
لو الهوى له حد والله لاعديه
المستحيله لاجل عينه هواني
مافيه منهو بالغلا من يسوايه
والواقع اللي جابني له خذاني
اخسر حياتي كلها بس اراضيه
ماهمني شر الزمن لو بلاني
دايم اداري خاطره ما أخليه
لوهو بعيدن سالي عني نساني
وش هي حياتي دون شوفه وطاريه
عيشة ألم والبعد همه طواني
فديت صوت اللي يجاوبني لبيه
لبيه يوم جاوب وشوقه دعاني
منتديات مملكة الفرات 
منتديات مملكة الفرات 
