حبيبتي اميرة

حبيت وحدة من الفرع جانت فقيرة = تعاهدنه للموت نكضيها بحصيرة
حبيتها لآخلاقها وجمالها والسيرة = كضينا سنين العمر بنفس الديرة
نتقابل فوك السطح بعد الظهيرة = تشكيلي ظلم الاب واخلاقه وتفكيره
فكرت اخطبها بس ماعندي ليرة = واعرف طلبات ابوها وايدي قصيره
راودتني افكار واحلام شريرة = جنت بلحضة طيش افكاري خطيرة
قررت اترك محلتنا الصغيرة = واشتغل بعيد وحلامي كبيرة
فارقتها هواي وزدادت الحيرة = وشلون اتركها يم اهلها اسيرة
واستخاريت ربي بس موزينة الخيره = وظلت ساكن مقبرة اموات العشيرة
اشكي للاموات مشكلتي المريرة = وما اسمع جواب ولا رأي استنيره
وسمعت صوت بقبر نادني بغيرة = مشكلتك انحلت وامرك ديره
ردت اعرف الصوت وشنو تفسيره = وظلت هايم مثل عطشان بجزيرة
تابعت الصوت بعيون ضريرة = اقرأ اسم الميت حبيبتي اميرة

حبيبتي اميرة موجود في : منتديات مملكة الفرات

توقيعمحمد كوسوفي