أحمــــــــــــــــــــد الكــــــــــــعبي
تجامل حبي الطاهر وتهواني عصب يافلان
يسمونه طرف واحد حبيب يجامل الثاني
وأنا ادري نهايتنا واغامر لو انا خسران
واعرف اني بقول انته نسيت وحبك الجاني
أنا والله ياحبي اعرف اني انا غلطان
ولــكن سنة الدنيا, تــــحب,ولازم تـــعاني
أنا عايش مع نفسي وشوقي يحترق عطشان
وامني نفسي بحبك ويمكن تصدق اشجاني
أنا مااندم على وقتي فكيف بحبك ندمان
كفايه شوقتك ياخل تبدد كامل احزاني
تبين اكذب على نفسي وأقول احنا ترانا اخوان
صعب والله ياخلي اعدك باقي اخواني
أنا يمكن عشان الحب ابقى للفجر سهران
احس اني منفي وساكن داخل أوطاني
شعور الضد وسط الضد وسط الحب والهجران
شعور العاجز القادر شعوري دون وجداني
ولكن خلني ببقى شخص قد عافته الأحزان
واكمل قصتي وياك وراضي بالذي جاني
ترى هذا الغرام اللي نعيشه للأسف يافلان
يسمونه طرف واحد ,حبيب يجامل الثاني
مع حبي لكم واتمنى يكون حب من طرفين مو من طرف واحد اليامي
منتديات مملكة الفرات 
منتديات مملكة الفرات 
