عسى ما ازعلتك البارح وزودت الجراح جراح
عسى مامرت الدمعه على اهدابك من اسبابي
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترا كثر الغلا ذباح
تعال وشوف بغيابك غلاك شلون سوّا بي
حرام تغيب من عمري وتعطيني الفراق وشاح
حرام الدمع في عيني مناديله هي اهدابي
غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي
ابيك الجاي من عمري انا مابيك شي وراح
لأنك اجمل و اخر .. لأنك اول احبابي
ابي ارتاح ياعمري .. انا ادري تبي ترتاح
تعال وقبل ما افرح ترا تفرح بك ثيابي
احبك يابعد عمر الحزن والجرح والافراح
احبك كثر ما نامت عيونك داخل اهدابي
منتديات مملكة الفرات 
منتديات مملكة الفرات 
