كلمات اغنية وقصيدة (اهات) للمطرب خالد عبد الرحمن
آهات من طول العنـا طاولتنـي
ونفسي من الفرقا وحالي صخيفه
جارت علي امن الفراق وقصتني
غزت ولكـن مانـوت بالنكيفـه
بهمومها اللي شفت منها كوتني
هذا الذي خلّى حياتي مخيفـه
باكر يروعني وأنا فيه فتنـي
وأقول ليت الغيب يبخل بحيفه
خيل السعاده بالهوى خالفتني
خالفت معها عيد قلبي وريفه
وهبت هبوبٍ بالنيا عطشتنـي
وكم غاليٍ قبلي ظما من وليفه
ليت الليالي عن غرامي نهتني
ولابدا زرع الأمل منك هيفه
وإلا انها في غايتي خيرتنـي
وأختار أنا مرباع قلبي وصيفه
خلٍ جيوشه بالمحبه غزتني
وأنا أسيرٍ للعيون العفيفـه
أغلى هجوسٍ طول الأيام جتني
هاك الهجوس اللي تجيني بطيفه
الماضيات بغيبها ماانصفتنـي
والمقبلات أرجي عدلها خليفه
أتبع ظنونٍ بالهوى ما شفتني
أحسب حمولي بالمحبه خفيفه
واليوم ظالمة المحبـه طوتنـي
طي الورق يوم إنطوى به خريفه
وأشباح يآسي بالهموم إعترتني
وأنا عليّ أسباب صدك كليفه
وأشيل حتفي راضيٍ فوق متني
وأروح نفسي من حياتي معيفه
وأقول للي بالجفـا عذبتنـي
عسى الشقا من بيننا بالنصيفه
شربت من فيض الشقا وأشبعتني
دنياً مع الأحزان ضدي حليفـه
منتديات مملكة الفرات 
منتديات مملكة الفرات 
