انا وانت ياقلبى حياره
حيران وعيونى سهاره
حيران انا بين نارين
بين قلبى حبيب العين
وبين لوم اللايمين
مش عارف اصدق قلبى
ولا ابعد وانكر حبى
النار طبع الامرين
صعب اختار بين الاتنين
قلبى بيحب حبيبه
ومصدق انه نصيبه
والعقل يقول ادى فكره
شور ..فكر..وانظر بكره
ان كنت تدوب من نظره
هاتقضى العمر حزين
ان كان قلبك اختاره
وتحب يطول مشواره
راح تحرق قلبك ناره
وتعيش عمرك مسكين
والقلب يقولى كفاك
مش صادق من جواك
ان كنت تصدق عقلك
وتخون قلب بيندهلك
هاتلاقى الحب يقولك
كان فاكرك قلب ملاك
ويرد العقل يقول
راح يكدب مهما يقول
لو ملت فى يوم لعذول
هاتعيش فى شكوك علطول
اسمع منى يا قلبى الغالى
عيش دايما فى المعقول
ويرد القلب حرام
ازاى انا عينى تنام
وازاى تخسر انسان
بيحبك مهما ان كان
هتلاقى الصدمه شديده
وتدمر حب زمان
انا لا يمكن يظلم
ولا حتى مع الحرمان
مش عارف اصدق قلبى
ولا ابعد وانكر حبى
النار طبع الامرين
صعب اختار بين الاتنين
منتديات مملكة الفرات 
منتديات مملكة الفرات 
