ابوذيات +دارميات

***ابوذية***
وحك اللي محه العزة ... محلات
أشفافك عسل من ربك .. محلات
الك بلكلب علشارع ... محلات
محل حب وحلاوه وسمسمية.
++دارمي++
عمرك شفت شمسين تشرك سويه
كاتلني حسن البيج لو هل عليه

صيحت حيل وحيل باليمنه وأوميت
شفته قبل لاتصيح هوه عدل لو ميت

تذكرني لو تنسى انته وضميرك
وتدريني انه اهواك ما احب غيرك

هم يجي يوم انساك وانسه هوانه
من عمت عينه الكال ماحبك انه

رد ليه يلرديت يوسف ليعكوب
روحي اشتهت ملكاك يااحلى محبوب

لوتحسب النجمات وتعرف عددهن
والله وعلي الكرار حبك بكدهـن

ناسيني لو مهموم لو إنت ملال
ما تدري شوفك عيد وأنتظر الهلال

لاواشي لانمام يبعدني عــنك
بس النجف يهواي ياخذني منك

كشف الاشعه يكَول مضبوطه العظام......شبيه جدمي من يلكَاك يتثنّه جدّام

منك شفت لوعات من اصفنلها
تجبرني اكول الناس خربانه كلها

حَياك مَن لَم تكن تَرجو تَحيتهُ
لَولا المَصالح ما حَياك انسانُ

اعرف اسرارك زين واعرف اسهامك
طيبة ومحبة البيك موضع كلامك

كالولي عوفه اسبوع ردت استفزة
كلت الدقيقة هواي ياناس اعزة

هم الله هم الناس هم هم الايام
واجماله هم العين ماتقبل اتنام

من العــرج يـنشــال گـلبــي واگصـــّه

لـو شــفـت غـيرك راد يـسـكن ابـنصـه

همي الليالي اتعود واتعاتب أوياك
احجايه للشمات خلاني فركــاك

ابوذيات +دارميات موجود في : منتديات مملكة الفرات

توقيعيوسف عكلة