تنازلت وبعتني ليش وشلون
كلبك مــنكســـر لمن بعتني ؟!
شلت سنين حزنك بين العيون
وانت بكم شهر ماشلت حزني !
صبرت اني وكلت دمعاتي تهون
ومن جيتك لكيتك فاركتني
شيفيد الدمع لو زخته اعيون
وانته بعينك الصلفه تركتني
لتكول الزمن غدار ويخون
زمانك ماغدر وانته غدرتني
امسح كلشي ضل بالماضي مسجون
وامسح ذكرياتي الصبرتني
واوعدك راح امسحك من الجفون
مثل مابيدك الوكحه امسحتني
مو كتلي الأمان بجنبك يكون ؟
بأمانك ليش غفله وضيعتني
لجلك حاربت كل اهلي والكون
كلت ماريد غيرك يل عفتني
مايحتاج اعاتب واطلب العون
منك وانته بيدك عذبتني
ولا يحتاج اكلك طبعك تخون
تعرف نفسك انته شكد خنتني
حبيتك صدك حب طفل مجنون
و انطيتك حياتي وموتــــتــني
اشكرك علمتني الحب والضنون
ودروس هواي اشكرك علمتني
إن مرت الايام ولم تروني فهذه مشاركاتي فـتذكروني وان غبت ولم تجدوني أكون وقتها بحاجة للدعاء فادعولي
منتديات مملكة الفرات 
منتديات مملكة الفرات 
