المقادير:
كوسا حجم صغير
لحمة مفرومة
بصل
زيت
ملح وبهارات
لبن رايب
نشاء
طريقة التحضير:
شوفوا يا جماعة أول شي نبدا بحفر الكوسايات بس شوي شوي مو تصير الكوساية ذات الثقوب
وبعدين بناخد طنجرة بنحط فيها شوية زيت نباتي بس ما يكون غزير
ونبدا بقلي الكوسايات
تحذير هاااااااااااام:
لما تقلو الكوسايات انتبهو ممكن تنحرقو لان الكوسا فيها مي ولما تنحط بالزيت (ممكن يصير ماليس في الحسبان)
المهم
بعد قلي الكوسايات بنفر مشوية بصل (في ناس بتعملها بدون بصل بس البصل اطيب)
وبنحط عليها اللحمة والملح والبهارات بنقليهن مع بعض (تشويح يعني)
بعدين بنحشي الكوسايات باللحمة بس انتبهو الكوساية بتكون كتير طرية رح تتغلبو بالحشي
وهلأ بنجهز الشاكرية (اللبن يعني) وهون الموضوع بيختلفو فيه ستات البيوت رح قول طريقتي( احم احم)
بنحرك اللبن كتير منيح وبنزيده شوية مي وبنضيف عليه النشاء وبعدين بنحط شوية ملح وبهارات وبنحطو ع النار مع التحريك المستمر حتى يغلي بس يغلي بنخفف النار تحته وبنحط جواتو الكوسايات وبنتركو على نار هادية حتى تتجانس النكهات
بهالوقت تعو نعمل الرز
بنحط بالطنجرة شوية زيت نباتي وشوية سمنة بلدي (خففو دسم حتى ما يصير عندكم كوليستيرول) وبنحط عليهن الشعيرية وبنقليها ع النار حتى تحمر
طبعا نحنا بنكون ناقعين الرز بالمية الدافية لمدة نص ساعة وبعدها بنغسلو منيح
وبنضيف الرز على الشعيرية المحمرة وبنقلي الرز منيح وبنضيف عليه الملح وبعدين بنضيف المي (كل كاسة رز كاسة مي )
وبنخليه ع نار عالية حتى يغلي وبس يغلي بنخفف النار تحته ع الآخر
بنرجع ع الكوسايات ما بدهن وقت طويل ع النار بنطفي تحتن
وبنسكب الأكل
واممممممممممممممممممممم
منتديات مملكة الفرات 
منتديات مملكة الفرات 
