غزاني الشيب

جيتك تاسألك عني

يلبهواك فاتني00

مامرك عمر مجنون

بلحظة و سايلك عني00

هاذا آني رفيج صباك

شجاك

شجفلك مني00

باريتك أغزل أحلام

لسدو اللوم ودني00

ونگشت اسمك على ذراعي

جكر بالبيك لامني00

ما احسبك جليل اخلاص

وتسكر بابكم عني00

دگيتو بزعل

ومن نار گلبي التاع

بچالي و گال مو مني00

انجرحن چفوفي

و ورمت خد الباب

وحلفلي يعاتبك عني00

ما تذكر ليالي الطيش

وچنت تگول ماظني 00

يركز عگلچ المجنون

وتعرف الچان مشغلني

هاذا آني غزاني الشيب

وبنات السنين هدني00

احلامي شجر شويل

بهبوب الريح عافني00

ما تذكر شريط حسين بتوال الليل ليعني00

ترچيني على صديرك

وتگولي الشوگ چاتلني00

مرمرني العشگ و جفاك

وصدگ لولاك ما أعني00

مو گلبي اليجر خطاي

زماني و هجرك و وني00

هاذنه سبب بلواي

وهن اليوم جبني00

ظنيتك تحضن الباب

تبوسو وتسألو عني00

ويگلك لفانا وراح

عزيز وجاك متعني00

مو بيدي تاگول أنساك

انت بعضاي ساكني00

ومي نزوة

تمر و اسلاك

بخمس حشاي طاعني00

تولعني وعليا تجور

گول تريد تكتلني00