وصِرتِي عن عيني بِعيدْ
كنتي يمي ..وكنت اسولف بيك قصتي
كنت فرحان بوجودك
كنت احِسك كُلشي لِيًه
قمت احسك نَبُض قلبي
وقمت اشِم بيك النفس
منوْره بيك انتي حياتي
وبِيك احس كُل السعاده
وماليًه الدنيًه عليًه
ليش من يَمي انتي رَحتي
والقلب كان الك مسْكَن
وانتي بيه طوبه لَعَبتي
ليش غِبتي..؟
ما حِسبتي حسابي من عَنًي بعدتي؟
ما إجه ابًالك حياتي شلون تقضي بدونك
انتي ؟
كنتي ماي وبين اديًه
بيه غرقان بلهِفتي
تالي ياوسفه طَلَع كُلًه سراب
وبِيه ضاعت كُل فرحتي
وين رَحتي ..وليش مِن يمًي بَعَدتِي
وليش تِنسين بعَجل كُل هالسِنين
ولِيش تِنسين المحبه والحنين
ولِيش وَيْ غيري انتي صِرتي
ولِيش تِنهين بعَجل ويًاك قصتي
خَلًصَتْ كُل السوالف..
ما بَعَد ويًاك أعْتِب
والعِتاب وياك صار اكبَر حرامْ
خَلٍي أسكُت..أحسَن اسكُت
السكُوت ابْلَغ مِن كل كَلام
وآني أدري من الزُغُر هايه قِسِمتي
وبِيهه خَلاًنِي الوَكِت حايِر بوَقتي
هُوً يايوم البَخَت ويًايْ قاعِد
حَتًى بِيك اتأمًله ويِنعِدِل بَختِي
حَتًى بِيك اتأمًله ويِنعِدِل بَختِي
منتديات مملكة الفرات 
منتديات مملكة الفرات 
مششششششششششششكورر ورائع 
