أحبّه رُغم تقصيرهـ
رُغم قلّة معاذيرهـ
رُغم جرحه ، رُغم غدرهـ
رُغم إخفاق : تبريرهـ
كأنّه ثوب مو قدّي
عَجَزت أفتَح أزاريرهـ
كأنّه جار حسّر بي
وانا أحفظ حق هالجيرهـ
كأني قفص .. وهو : طيري
ومات بهالقفص : طيرهـ !
.
.
ماجبرت إحساسي المُنهك : عليـك
هو خذاني من نهاياتي .. وجــاك
مارسمتك , ماتوقعت : أهتديك
مادعيت الله ينوّلني : رضاك
ماأحبك .. لكن أحتاجك .. وابيك !
يمكن ألقى بعضي الضايع : معاك !
جيتك [إنسانة] تبي بس تبتديك
وادري [القلب] إن بدا بك مانتهاك
مع تفاصيلك .. بـ اعيشك وانتشيك
بـ انسى نفسي واذكرك وانكر سواك
ماعليك إلا [تبلّ] الروح فيك
واوعدِك ماتجني إلا : مُبتغـاك
هاتني لك ، هاتك ، إسمح لي أجيك !
ماأبي تبقى هنا / وابقى : هناك !
ياأخي عطشااااانتك .. إطلِق يديك
مِدّ كاسك .. قول لي : إروي ظمــاك
لو نشَدت العالم اللي تلتقيــك
واللي ماعمرهـ عَرَفك وإلتقــاك
منهي اللي [جنَنتكم] ؟ قالوا : ذيـك
يعني حتى [الأعمى] في عيني : يراك !
منتديات مملكة الفرات 
منتديات مملكة الفرات 
