ما أنساك أبد حالف لحد الموت
أنت أول حبيب الي عرف عنواني
ما أقلك أكرهك بالعيون حبيت
يل طبعك عسل مجنون خلاني
بس طبعي وكلمتي ما تصير أثنين
وتدري أنت الزمان شلون أذاني
وحظي أني عرفته ما نصف وياي
ما جابك الية في وقت ثاني
ما مقسوم أحبك وأبتدي وياك
بس مكتوب دوم بحبك نعاني
ما أقلك أنساني بس أقلك روح
وياك الوقت محتار خلاني
أعتب ع الزمان الما جمعني وياك
وبدرب السراب شلون مشاني
بعد كل البنيته وبيه ما ظل حيل
أجه بلحظه الزمان وهدم بنياني
وبعد جرح الأمس وك يا زمن ما طاب
وصدوك قالوا تشافيني بجرح ثاني
لا صاحب تركتة ولا حبيب وياي
وعلى صفحة حزن خطيت عنواني
وعموما ياحبيبي وأغلى ما حبيت
أنت أول محب أستحل وجداني
ألف مبروك أقلك من قلب ولسان
مو كلمة وأجتني بطارف لساني
وألف مليون أحبك وعمري ما أنساك
وأنت براحتك لو ردت تنساني
منتديات مملكة الفرات 
منتديات مملكة الفرات 
